chatty,

Literary (Submission): Tingin

5/12/2017 08:55:00 PM Media Center 0 Comments

Minsan di ko maintindihan
Kung paano kita nahanap at natagpuan
Kung bakit ikaw at ako ay pinagtagpo
Kung bakit iginaya ako ng tadhana patungo sa’yo

Paano nga ba nagsimula?
Paano umabot sa puntong ito?
Na ang kulay rosas na langit ay pinagmamasdan
Magkasama't nakaupo hanggang magpakita ang buwan

Nakatitig ka sa mga bituin at sinusubukang papag-ugnayin
Nakatitig ako sa’yo nang bigla ka ring tumingin
Mabilis na tumibok ang puso kong wala pang nakakapagpatibok noon
Sa’yo ko lang talaga naramdaman ang ganitong klaseng koneksyon

Walang nagsasalita sa atin
Ngunit sinasabi ng ating mga mata ang nararamdaman sa isa't-isa
At kung sakaling hindi mo makuha,
Ang sinasabi ng mga mata ko'y ang damdamin ko para sa’yo ay lumalalim na.