Showing posts with label willow. Show all posts

Literary (Submission): 久しぶり (Hisashiburi) x 戻りました (Modorimashita)




久しぶり (Hisashiburi)

Napakatagal na noong huli kitang makita
Ngayong nasa harapan ka na'y hindi ko alam ang gagawin
Maraming tanong na dapat sagutin
Maraming bagay na dapat isipin
Ngunit hindi ko mabuo-buo ang aking mga salita

Dalawang taon, pitong buwan, limang araw, at labing-isang oras
Bilang ko ang mga panahon na ako'y naghintay
Laging napapaisip, dinadaig ng inip,
At lubos na niyayapos ng aking lumbay

"Kumusta ka na?"
Nais kong sabihin
Ang lahat ng damdamin sa iilang kataga
Ang lahat ng tungkol sa mga dumaang gabi at umaga
At ang nasa kaibuturang nais nang magpahayag

Narito na tayo at sa wakas nagtagpo
Di lang sa oras o sa lugar, kundi rin sa puso
Tiyak na't tumpak ang ating kalagayan
Wala nang pag-aalinlangan
Ipararating ko ang aking saloobin

"Na-miss kita."
Ibubuod ko
Ang lahat ng naiisip bago pa mawala
Ang lahat ng hinagpis sa aking alaala
At ang panaginip ko na ngayo'y nagkakatotoo

Tapos na ang pagsubok
Nagbago nang muli ang lahat
Ngunit hindi pa rin huli ang lahat
Ito na ang kukumpleto kong mga salita
"Mahal na mahal pa rin talaga kita."


戻りました (Modorimashita)

Napakatagal na noong huli kitang hinarap
Ngayong ika’y binalikan, lumitaw ang kaba
Siguradong marami kang katanungan
Siguradong marami kang nasa isipan
Ngunit handa akong magbigay ng sagot

Dalawang taon, pitong buwan, limang araw, at labing-isang oras
Bilang ko ang mga panahon na tayo’y magkalayo
Laging nagtataka, dinadaig ng duda
At mahigpit na binalot ng aking lungkot

“Ayos naman. Ikaw?”
Nais kong malaman
Ang lahat ng iyong nararamdaman
Ang lahat ng pumasok sa iyong isipan
At ang mga salitang matagal ko nang hindi napakinggan

Narito na tayo at sa wakas nagtagpo
Nagtagal ma’y dumating din dito
Ang mga sandaling ganito, sana di maglaho
Wala nang pag-aatubili
Tatanggapin na ang iyong damdamin

“Na-miss din kita.”
Ibubuhos ko
Ang lahat ng napag-isipan noong nawala
Ang lahat ng hapis sa aking paglisan
At ang pangarap mong ibinahagi mo sa akin

Wala nang paghihirap
Ang pagbabago’y mananatili
Hindi pa huli, magsisimula muli
Sa aking sagot sa iyong mga salita
“Mahal na mahal din kita.”

Literary: Not All Bad





A child’s eyes always see
How others move and act
And he moves, he acts
According to what he observes

A child’s ears always hear
“Always be kind and nice”
And he tries, he does
Even though the world can be cruel

A child’s nose always smells
The horrible, unpleasant odors
He ignores, he doesn’t notice
The good ones that he inhales

A child’s tongue always tastes
The badly cooked ones
He complains, he tries to fix them
But he forgets to praise the delicious ones

A child’s hands always do
What he was taught was right
He does good things, and when he does
The world is surprised

And it’s sad to think
There is bad all around
And the good is put aside
When it rises, it’s only then we see
That goodness still exists
Subscribe to: Posts (Atom)