Dear MC,

2015
Grade 9, Guidance time

Dumating ang araw na pinapunta ang aming grupo sa Testing Room para sa pagpili namin ng track. Kabadong-kabado ako noon, nanlalamig ang mga kamay habang naglalakad papuntang testing room. Feeling ko judgement day ko na. Naupo na ako at ipinaliwanag ng aming Guidance Counselor ang tatlong tracks na meron. Sobrang nahirapan akong pumili, hindi ko talaga first choice ang mapunta sa HUMSS. Sa pagkakaalala ko’y naging huli ito sa aking listahan. 

Grade 10, First day ng MC Class

First Impression ko sa MC:

Kapag sinabing taga- MC matatalino, magagaling magsulat. Maraming sinusulat.

”Sabi ko sa sarili ko “Hala! Formal theme nga lang sinusulat ko eh.”
“Kaya ko ba ‘to?”
 “Bahala na.”

First day na first day ng Peryodismo, pinasulat kami agad ng autobiography. Diagnostic Test. Ito naman ako bida-bida magsulat, napakahaba ng sinulat ko, naka-uwi na lahat, ako nagsusulat pa rin. Pero syempre dahil lang din siguro ‘yun sa hindi naman talaga ako sanay magsulat. Isinaisip ko mula noon na mamahalin ko ‘tong pinili ko at papatunayan kong may talento ako sa pagsulat.

First Pub bilang MC 2018

Sa aking pagkakatanda, ang unang lit na aking naisulat at napub ay “Move on? Moved On.” Sobrang gulo ko pa magsulat noon, daming plot twist ng lit na ‘yan pero salamat sa mga nag- edit ng lit ko. BTW kung gusto niyong mabasa yung lit ko na ‘yon, I’ll put the link down below. Pampadagdag views din ‘yun.

Dumaan ang napakaraming pubs, may mga pagkakataong hindi napupub ang aking gawa at talagang iniiyakan ko ang mga ganoong pangyayari.

OFFICIAL MC 2018

It’s official! Kami na! Kami na ang magpapatakbo ng buong MC, may iba’t ibang sections at may sarili pang opisina, Room 115 nga pala.

Polarlight

Ipinamulat sa akin ng MC na ang dating “Kaya ko ba ‘to?” na tumatakbo sa aking isipan ay napalitan na ng  “Kaya ko at Kinaya ko.”

Nabuo rin sa MC ang isang (pen name) na puro Filipino lits ang isinusulat na laging patungkol sa puot at sakit na nararamdaman.

Media Center

Pinatunayan ng MC sa akin na hangga’t may pinagdaraanan at nararamdaman ay may maisusulat ka. Mayroon at mayroon kang mapipiga sa utak mo, at pati ang mga simpleng bagay ay mapapalawak mo pa upang makabuo ng iba’t ibang kahulugan.

Sa loob ng halos tatlong taong pagsusulat ng lits at articles pati na rin ng pag-iisip ng theme, hashtags, topics ng articles (lalo na sa feature), tagline, at pag-edit ng mga sinulat.

Sa mga dumaang taon, hindi lang isang matibay at matatag na klase ang nabuo kundi isang pamilya na mananatili at nakatatak sa aking puso’t isipan.

Maraming salamat MC.

Natututo akong mahalin ang pagsusulat. Binago mo ang pangarap ko at minulat mo ako sa panibagong landas na aking tatahakin.

Ang maging parte ng Media Center ay isang malaking opurtunidad at nagpatuklas sa amin na kaya pala naming lumikha ng obra mula sa mga salita at letra.

Hanggang sa muli MC.

Relate ba gurl? Ang lakas kasi natin mag-assume eh, ayan tuloy nasasaktan. Hindi ba pwedeng  nakatingin siya sa taong nasa likod mo? Pasara na ‘yung canteen at turon na lang ‘yung itinitinda nila, malamang ‘yun na lang bibilhin niyong dalawa. Eh ‘yung sweet corn, ‘yun na lang available na size kay Kuya. Sa dp mo naman, lahat pinupusuan niya o ‘di kaya napindot niya lang. Pasalamat ka ‘yun ‘yung napindot  niya kaysa naman angry reacts. Kinikilig ka kaagad sa chat ‘di mo man lang hinintay, eh typing pa naman. Sabi niya “Pwedeng pa print? A4 size ha pati colored na rin.” Aba ginawa kang computer shop. Payag ka?

Marami sa ating nakakarelate dito, Nakakakilig nga, dahil sa simpleng mga galaw ni crush, ibang saya ang dala nito sa’yo. Pero sa bawat pag-asang ginagawa mo, hindi natin alam ay may iiwan itong sakit sa ating puso. Malay mo dahil sa sobrang pag-aassume mo nasasaktan mo na pala ang sarili mo dahil nabubuhay ka sa pantasyang may gusto rin si crush sa’yo. Gumising ka na sa katotohanan. At kahit ganoon man ang sitwasyon mo, tandaan mo, ‘di umiikot ang buhay mo sa kanya. Huwag ding bitter at isipin mo na lang na isa siya sa mga taong nagpasaya sa buhay mo, pero hindi lang siya ang taong magpapasaya sa’yo hanggang sa dulo.  May maganda rin naman ‘tong dulot.

Pero lagi lang tatandaan na mas mabuting maghintay. Darating at darating tayo sa ganyang mga bagay. ‘Di ko rin naman sinasabing huwag na kayong magka-crush. Nais ko lang sabihin na hindi masamang magkagusto, huwag lang masyadong aasa lalo na’t wala pang kayo.

Kaya kilig fully. Assume moderately.