filipino,

Literary: Noon at Ngayon

5/17/2017 09:28:00 PM Media Center 0 Comments

Ibinigay ko ang lahat
Tinanggap mong buong-buo
Hawak na kita nang mahigpit na mahigpit
Ngunit pinili mong bumitaw
Nagdesisyong palayain
Pusong iyong binihag
Sinubukang pagdugtungin muli
Pinutol mo nang tuluyan
Bakit? Bakit mo nagawa?
Iniisip ko araw-araw hanggang sa bukang liwayway
Habang ika’y nananaginip takipsilim pa lamang
Mula sa pagiging matalik na magkaibigan
Itinatak mo sa aking isa na akong kaaway
Taon ang pinalipas upang makalimutan
Upang ‘wag nang alalahanin’t tuluyan nang iwanan
Isinumbat mo pagkatapos ng ilang taon mula noon
“Maari ba kitang balikan?”
Kay sarap mong tawanan habang umiiyak sa’king harapan
Oo, mahal kita…
Noon.

Hindi na kita mahal ngayon.