dawson,

Literary: Sa Una Kong Minahal

5/12/2017 07:54:00 PM Media Center 0 Comments

Ikaw…

Ikaw ang bumuo sa aking buhay
Pinunan mga pagkukulang na pilit pinupunan
Ikaw ang gumising sa akin
Sa kung sino ako’t, ano ang halaga ko

Ikaw ang aking bukambibig
Sa bawat tula, imahe mo ang nasa isip
Ikaw ang inspirasyon sa lahat ng ginagawa
Ikaw ang hinahanap sa gabi’t umaga

Ikaw ang laging hinahanap at gustong makatabi
Napapanaginipan ang tamis ng iyong labi
Ikaw ang pangarap na nais abutin
Ikaw ang babaeng pinapangarap

Ikaw minimithing masilayan
Sa bawat bagong araw, ikaw unang laman ng isipan
Ikaw ang kasama ko sa lahat ng problema
Ikaw ang dahilan ng malalakas na tawa

Ang matatamis mong salita
Ang pinakikinggan bago matulog
Sa mahihigpit mong yakap
Diwa ko’y napahihinahon

Ikaw ang nagturo sa akin ng realidad ng buhay
Kung ano ang kasinungalingan at kung ano ang tunay
Ikaw ang umakay sa akin sa mundo ng katotohanan
Kung paanong maging matatag sa hirap ng buhay

Ikaw rin ang unang nakalimot at umiwan
Ikaw ang unang siyang nagpasakit sa aking puso at isipan
Ikaw ang una kong minahal
Ang una kong kasawian

Kahit pa…

Salamat sa iyong pagmamahal
Natuto akong mabuhay
Hanggang sa muli nating pagkikita…
Ikaw na siyang una kong minahal