filipino,

Literary: Sa Huli Nating Sandali

5/26/2017 09:28:00 PM Media Center 0 Comments

Ang mga matang sinlalim ng kalawakan
Ang mga labing ka-linya ng tadhana –

Kumapit sa akin ang pagbitiw
Humaplos ang hangin ng kapalaran sa ‘king tabi
Lumipas
Ang oras…
Minuto…
Segundo.

Nang bumukas ang pinto,
Umagos ang mga bituin
Kumaway ang lahat ng paru-paro
Papalayo –
Ang oras…
Bumilis
Pabilis
Nang pabilis…

Yumakap ang lamig
Tumakas ang mga salita sa’yong bibig
Kinapos ng tibok nang sabihin mong
"Sana…"
"Sana..."
Sana.

Ipinikit ko ang aking mga mata
Dumaplis ang mga bala
Ang init, humapdi sa'king dibdib
"Sana..."
Minasdan ko ang iyong mga mata.
Alam ko.
Alam ko.
Alam ko...

Paalam na.