filipino,

Literary (Submission): Naipit ako sa Gitna

5/17/2017 09:45:00 PM Media Center 0 Comments

Sa totoo lang litong-lito na ako
Di ba ako ang nararapat sa’yo?
Sana hindi na ako lumaban pa
Di na sana ako naiipit sa gitna

Sa gitna ng “ayoko na” at “gusto ko pa”
Sa gitna ng “hanggang dito na lang” at “kakayanin pa”
Sa gitna ng “bahala ka” at “para sa’yo"
Sa gitna ng "bitaw na" at "kapit pa"

Sa gitna ng "suko na ako" at "ipaglalaban kita"
Sa gitna ng "hindi na lang" at "susugal pa"
Sa gitna ng "paalam" at "hatid na kita"
Sa gitna ng "tama na" at "aasa pa"

Sa gitna ng "ang sakit na" at "mahal kasi kita"
Sa gitna ng "pagod na ako" at "kaya ko pa"
Sa gitna ng "ubos na ubos na" at "meron pa"
Sa gitna ng "ako naman" at "ikaw muna"

Sana nalaman ko na ito pala ang kahahantungan
Siguro’y di na sana ika’y nagustuhan
Sana nalaman ko agad na hindi mo ako mahal
Para hindi na ako naiipit sa gitna