filipino,

Literary (Submission): Ikaw ba sana ay akin?

5/26/2017 09:45:00 PM Media Center 0 Comments

Nagtagpo tayo sa ilalim ng buwan
Napapaligiran ng dilim at katahimikan
Pero nang ako’y iyong nginitian
Tila nagliwanag ang kalangitan

Nginitian kita at naglakad papalapit
Pero bawat hakbang ko’y bumibigat
Natakot akong ipilit
Natakot akong baka hindi ako sapat

Umaatras-abante ang damdamin
Hindi ko mahanap ang salitang dapat sabihin
Pinili kong umatras pagkat hindi ko kakayanin
Kung ano man ang aking haharapin

Kabiguan o kaligayahan
Natakot akong subukan
Natakot akong sabihin ang nararamdaman
Dahil baka ako’y iyong ayawan

Pero ano kayang nangyari kung ako’y umamin
Kung naipahayag ang damdamin
At kung hindi lang ibinulong sa hangin
Ikaw ba sana ay akin?