Showing posts with label beca sinchongco. Show all posts

UPIS, nakiisa sa Lakbayan 2017



Bumisita ang mga mag-aaral at guro ng Save Our Schools Network noong Setyembre 19 sa UP Integrated School (UPIS) upang magsagawa ng talakayan sa mga mag-aaral bilang bahagi ng Lakbayan 2017.


PANININDIGAN.  Ipinahayag ng mga katutubo ang kanilang tunay na layunin sapaglahok sa mga kilos-protesta. Photo credit: Iszy Taj Ono Catangcatang

Tatlong kabataang Lumad ang bumisita upang magbahagi ng kanilang mga karanasan sa kani-kanilang rehiyon. Nagtanghal din sa pagtitipon si G. Ronald Bazue, isang gurong kalahok sa Lakbayan at inilahad niya ang tunay na kalagayan ng pambansang minorya sa pamamagitan ng kanyang tulang sagutan.

Ang naganap na forum ay isang paanyaya mula sa paaralang Hustisya, isang organisasyong tumutulong sa Sandugo na siyang nag-oorganisa ng Lakbayan 2017. Pinangasiwaan ito ni G. Brenson Andres na puno ng Departamento ng Araling Panlipunan (AP), at nina Joey Ricarte at JR Agudes na mula rin sa Hustisya.

Samantala, nagtungo naman sa Kampuhan sa UP Stud Farm ang mga mag-aaral ng Community Development at mga miyembro ng Kilusang Araling Panlipunan mula Grado 3-10. Lumahok sila sa programa ng immersion kung saan nagkaroon ng pagkakataon ang mga mag-aaral na makipagtalakayan sa mga kasapi ng iba’t ibang pangkat ng mga pambansang minorya mula sa iba’t ibang rehiyon.

Hinikayat sa naturang mga gawain ang suporta ng mga mag-aaral sa pamamagitan ng social media at pagbabahagi sa tunay na kalagayan ng pambansang minorya. Hinikayat din silang maging mga volunteer sa Concerned Students for Justice and Peace (CSJP) upang higit na maisulong ang pambansang pagkakaisa.

SALAM. Ibinahagi ng isang kinatawan ng mga Moro sa mga mag-aaral ng Grado 12 ang kasaysayan at kalagayan ng mga katutubong Moro sa Mindanao. Photo Credit: Edge Balangayan Uyanguren
Ang Lakbayan ay isang pagtitipon ng mga pambansang minorya na taun-taong isinasagawa sa pamumuno ng Sandugo, isang alyansa ng pambansang minorya at mga pangkat-etniko sa Pilipinas. Sinimulan ito taong 2014. //nina Beca Sinchongco at Marianne Sasing

Sports: Bagong coaching staff, palalakasin ang UPIS Volleyball teams



Itinalagang bagong head coach ng UP Integrated School Boys Volleyball Team (UPISBVT) si Hans Chuacuco at assistant coach ng UPIS Girls Volleyball Team (UPISGVT) si Nicole Tiamzon para sa nalalapit na UAAP Season 80.

Sina Chuacuco at Tiamzon ay kapwa beterano ng UP Men’s at Women’s Volleyball Team. Makakatuwang ni Coach Paolo Mendoza si Asst. Coach Tiamzon sa UPISGVT.

Kasabayan nila, pumasok din sa grupo ang mga bagong miyembro mula Grado 8-11 na sina Yanna Ferrer at Frances De Guia (Grado 8, Kyle Mararac (Grado 9), at Rina Castro (Grade 11) para sa UPISGVT, at sina Elijah Galang at Aldrin Baysa (Grado 10) at Louis Caguiat (Grado 11) para sa UPISBVT.

Makikipagtulungan sila sa mga beterano ng kani-kanilang team na sina Angelica Jota, Bianca Morales, Yanna Reblando, at Trixie Badong ng UPISGVT at sina Carlos Laderas, Brian Gabriel, Dex Daguman, Samuel Silvestre, at Derick Urgena ng UPISBVT.

HANDA NA. Ipakikitang muli ng UPIS Boys Volleyball team ang kanilang giting at tapang sa paparating na UAAP Season 80 kasama ang kanilang bagong coach at manlalaro. Photo credit: Carlos Laderas

Bilang paghahanda ng team para sa nalalapit na season, marubdubang ensayo sa loob at labas ng court ang kanilang ginagawa. “[Natutunan kong] magkaroon lang ng confidence sa lahat ng ginagawa,” pahayag ni Daguman na team captain ng UPISBVT tungkol sa mga natutunan siya sa kanilang bagong coaching staff.

Sa kauna-unahang pagkakataon, gaganapin ang kompetisyon sa Filoil Flying V Arena sa San Juan City at magaganap ang unang laro nila sa Setyembre 9-10, 2017. // ni Beca Sinchongco

Mga Isko at Iska, hinikayat na manindigan para sa karapatang pantao


Idinaos ang UPIS Parangal 2017 sa UP National Institute for Science and Mathematics Education Development (NISMED) Auditorium noong Mayo 5.

“Iskolar ng Bayan, Manindigan para sa Karapatang Pantao” ang naging tema ng Parangal sa taon na ito. Nagbigay ng talumpati si Prop. Ranjit Singh Rye na isang propesor ng Political Science sa UP Diliman College of Social Sciences and Philosophy at alumnus ng UPIS. Si Prop. Rye ay kabilang sa Batch 1988.

Sa kaniyang pahayag, ibinahagi niya ang kaniyang mga naging karanasan sa panahon ng Martial Law. Nag-iwan rin siya ng hamon sa mga mag-aaral na manindigan at makibahagi sa pagbabago sa bayan.

PAGHIMOK. Ibinahagi ng panauhing tagapagsalita na si Prop. Ranjit Singh Rye ang kaniyang mensahe sa mga mag-aaral ng 7-11. Photo Credit: Media Center 

Tumugon naman sa paunang talumpati si Wenona Dawn Catubig, Huwarang Mag-aaral ng Grado 10. Binigyang pansin ni Wenona ang kahalagahan ng pagiging mulat sa mga isyung panlipunan gaya ng extrajudicial killings at kung paano nito nilalabag ang ating karapatang pantao. Isinalaysay din niya ang mga karanasan niya tungo sa pagkamit ng kaniyang parangal.

Isinagawa rin sa parehong araw ang pagbibigay ng parangal sa mag-aaral sa K-2 at Grado 3-6.//nina Enzo Bautista, Cedric Jacobo at Beca Sinchongco

Business Entrep Track, lumahok sa business symposium



Dumalo sa isang symposium ang Business and Entrepreneurship Track ng Grado 11 noong Abril 26 sa UPIS Audio-Visual Room (AVR) sa pangangasiwa ng mga mag-aaral ng Technology Management Center (TMC) ng UP Diliman.

Nilayon ng gawaing imulat ang mga tagapakinig sa iba’t ibang ambag ng teknolohiya sa negosyo upang mapaunlad ang bayan.

Naging tagapagsalita sa programa sina Prop. Glen Imbang na faculty member ng UP Diliman TMC, Gng. Meiling Lee na Direktor ng Business Development sa Sulo Renewable Energy Solutions, Inc., at G. Ryan Sabio na Presidente at Technology Manager ng Tekton Geometrix Inc. Ang mga kumpanyang kinabibilangan nina Gng. Lee at G. Sabio ay kilala sa paggamit ng teknolohiya para sa ikabubuti ng mga Pilipino.

Nagbahagi sila ng mga kaisipan tungkol sa Technology, Innovation at Entrepreneurship. Tinalakay din nila ang mga oportunidad sa ilalim ng programang Technology Management Center ng unibersidad.

TALAKAYAN. Nagpaanyaya ng isang open forum ang tatlong tagapagsalita na sina (mula kaliwa) G. Ryan Sabio, Prop. Glen Imbang, at Gng. Meiling Lee. Photo Credit: Bjorn Amargo


“Bilang isang mag-aaral ng Business and Entrepreneurship Track ay nahikayat akong mag-isip at gamitin ang aking mga natutunan sa pagbuo ng teknolohiyang makatutulong sa bawat isa para sa ikauunlad ng bansa,” pagbabahagi ni Christian Pagadora, isa sa mga estudyante ng Business and Entrep Track na dumalo sa naturang symposium.

Sa huli, hinikayat ng mga tagapagsalita ang mga mag-aaral na magdebelop ng teknolohiyang makatutulong sa pag-unlad ng bansa.

TECH TALKS. Tinatalakay ni Prop. Glen Imbang ang pagkakaiba ng teknolohiya noon at ngayon sa Business and Entrepreneurship Track. Photo Credits: Rebeca Sinchongco


Ang Technology Management Center ay isang gradweyt program na itinatag upang tugunan ang mga pangangailangan ng industriya at gobyerno ng Pilipinas sa teknolohiya. //nina Hanzvic Dellomas at Rebeca Sinchongco

Mga kandidato naglatag ng kanilang plataporma sa Miting de Avance



Idinaos ang Miting de Avance ng mga partido para sa Halalan 2017 noong Mayo 2 at 3 sa UPIS 7-12 Building sa pangunguna ng Senior Council (SC).

Iprinesenta ng mga kandidato’t partido ang kanilang mga plataporma sa mga estudyante at guro na dumalo. Pinagtuunan ng mga partido sa kanilang mga plataporma ang kahalagahan at pagsusulong ng pagkakaisa at pagkakapantay-pantay sa paaralan.

PAKIKIBAHAGI. Nagbigay ng ilang katanungan si Fred Samonte, kasalukuyang Presidente ng Student Council, para sa mga kandidato ng partidong KAmpilan. 


Isang partido lamang ang tumatakbo para sa Pamunuan ng Kamag-aral (pKA) 7-10. Gayundin, may tig-isang partido rin para sa Freshman Association, Sophomore Association, Juniors Association at Senior Council.

PULONG. Inilatag ng partidong KAmpilan ang kanilang plataporma sa harap ng 8-Beetle sa isang room-to-room campaign bago ang Miting de Avance. Photo Credit: Prof. Catherine Atordido

Samantala sa Grado 3-6, tumatakbo ang partidong KApit-bisig at dalawang independent candidates para sa pKA 3-6. Nakatuon ang kanilang mga plataporma sa kalinisan ng paaralan.

Idinaos naman ang Halalan 2017 ngayong araw, Mayo 4 at inaasahang maidedeklara ang mga kandidatong nagwagi sa darating Mayo 16. // Nina Trisa De Ocampo, Cedric Jacobo, Beca Sinchongco

UPIS PTA, nagpulong para sa ratipikasyon ng PTA CBL



Nagpatawag ng Special General Assembly ang UPIS Parent-Teachers Association (PTA) Board kaugnay ng ratipikasyon ng 2017 Constitution and By-Laws (CBL) ng UPIS PTA noong Abril 21.

Nilayon ng pagpupulong na ipresenta at maaprubahan ang mga pagbabago sa 1988 CBL ng UPIS PTA. Nauna nang napagdesisyunang magkaroon ng pagbabago sa CBL dahil maaaring hindi na angkop ang ilang probisyon nito sa kasalukuyan. Tinalakay sa naturang pulong ang mga naging rebisyon sa 1988 CBL.


PAGLILINAW. Pinangasiwaan ng Pangulo ng PTA Board na si Dr. Maria Auxilia Siringan ang pagtalakay sa Constitution and By-Laws ng organisasyon. Photo Credit: Gelleen Esposo



Naaprubahan sa nabanggit na pulong ang ilang probisyon ng bagong konstitusyon subalit bunga ng ilang paglilinaw at komento mula sa mga magulang, napagdesisyunang ipagpaliban ang ratipikasyon nito. Gayundin, napagkasunduan na ikonsulta muna sa mga abogado ang legal na batayan ng pagkakatatag ng UPIS PTA.

“Hindi na pinagpatuloy ang pagtalakay ng mga probisyon dahil mas na-prioritize ang paghahanap ng legal basis ng pagkakatatag ng UPIS PTA,” ayon kay Dr. Maria Auxilia Siringan, Pangulo ng UPIS PTA Board A.T. 2016-2017.

Sa kasalukuyan, ang 1988 CBL pa rin ang ipinatutupad ng UPIS PTA. Humigit kumulang 150 magulang ang dumalo sa pagpupulong na ginanap kasunod ng stub-giving. //nina Hanzvic Dellomas at Beca Sinchongco
PAKIKIBAHAGI. Nakilahok ang mga magulang sa diskusyon sa pamamagitan ng pagtatanong ukol sa rebisyon ng konstitusyon. Photo Credit: Gelleen Esposo

Peace Week, inilunsad ng pKA



Inilunsad ng Pamunuan ng Kamag-Aral (pKA) 3-10 ang Peace Week noong Martes, Abril 4, bilang bahagi ng kanilang core values project.

Unang beses na isinagawa ng pKA ang naturang proyekto na naglalayong ipaunawa sa mga mag-aaral ang limang core values na peace, love, justice, truth, at freedom ng UPIS.

Nakatuon ang mga gawain sa pagpapamulat sa mga mag-aaral tungkol sa iba’t ibang usaping pangkapayapaan. Ilan sa mga inihandang gawain ay ang poster-making contest at pagsasagawa ng peace hour sa mga klase sa Grado 7-10.

Samantala, magkakaroon naman ng poem writing contest, radio station, at historical timeline exhibit ang Grado 3-6.

Nauna nang ipinagdiwang ng pKA ang Love Week noong Pebrero 14-17 kung saan nagkaroon ng mga aktibidad tulad ng Marriage Booth, Freedom Wall, at MC Radio Station. //ni Beca Sinchongco

UPIS Math wizards win at MMC 2017



UPIS representatives brought home awards from the Metrobank – Mathematics Teachers Association of the Philippines (MTAP) – Department of Education (DepEd) Math Challenge (MMC) 2017.

MATHINIK. Marius Barcenas, fourth from the right. displays his certificate with the other contenders after placing third at the Sectoral Finals. Photo Credit: Ms. Angel Rocena


Sophomore Marius Barcenas placed third in the Regional Finals while Grade 1 student Andrei Vibal placed fifth. The Grades 2 and 6 teams qualified for the Regional Finals of the team competition.

MMC is an annual math contest for elementary and high school students in both public and private schools nationwide. The contest consists of the Elimination Round, Individual Finals, Division/Area Finals, Sectoral Finals, Regional Finals, and National Finals for both the individual and team competitions. This year’s competition was held from February to March, while the Nationals will be held on April 21 and 22.

Sean Caleb Sanguyu from Grade 1 placed tenth at the sectoral finals of the individual competition while other participants for the individual competition received honors in the elimination round. The teams from Grades 2, 5, 6, 8, and 9 also went on to compete in the Sectorals last March 24. Other UPIS teams reached the Area Finals. //by Trisa de Ocampo and Beca Sinchongco

Spoof News: Batang hinampas, gumanti!





Umiiyak at tulo ang uhog nang matagpuan ng mga awtoridad ang mga batang namamalimos na sina Budong, Amak, at Bayut sa Vinzons Biyernes ng hapon kahapon.

Nag-iistretching sina Bayut para sa kanilang pang-araw-araw na modus operandi sa bakuran ng Sunken Garden nang bigla silang harangin ng batang UPIS na binatukan nila noong isang araw. Umaktong sasapakin ng batang Isko sina Bayut nang bigla itong mag nae-nae.

Nabilaukan ang mga tao na kumakain sa Vinzons nang biglang tumugtog ang Juju on the Beat sa boombike na dala ng mga estudyante.

Ayon sa isang kuya na kumakain “Nabigla kami, pagtingin namin naka-eagle formation yung mga batang naka summer uniform. Tapos nakakamangha kasi super sweg nila pagkadouble-dab nagsiluhuran yung mga street children at nagmakaawang wag na silang saktan”

Proud na proud ang mga nagpapadaan na taga-UPIS sa nasaksihang showdown. Habang naghihinagpis naman ang mga natalong street children dahil sa kahihiyang natamo.

Panayam ng lider ng mga rumesbak na isko, “Simula Martes pa po kami nag-eensayo para sa aming routine. Humanap po ako ng mga multi-talented na katropa na kayang humarap sa panganib na dala ng showdown at nagpa-coach rin po kami kay Teacher Georcelle ng G-force para lang dito. Ang sarap po sa feeling, parang nabawi ko na rin po yung bente ko. Sana po magsilbing leksyon ito sa lahat ngunit kami po ay nalugi dahil 1500 per session ang binayaran naming kay T. Georcelle para lamang mabawi ang bente pesos namin.”

Tinaguriang “The Resbak Dab-King” ang naturang estudyante. Kasalukuyan niyang ipinaglalaban ang kaniyang adhikain na: Idaan na lang sa sayawan, Kapayapaan sa mga kalsada ng UP Diliman. / nina Hanzvic Dellomas, Beca Sinchongco

KAT at GAT 2017-2018, idinaos



Natapos na ang Grade 7 Admission Test (GAT) noong Marso 4 at ang Kindergarten Admission Test (KAT) noong Marso 18, 20, 25, 27, para sa akademikong taon 2017-2018.

Ang GAT ay ang entrance exam ng UPIS para sa Grado 7 habang ang KAT naman ang para sa Kindergarten. Sumailalim din sa GAT ang mga estudyanteng nais pumasok sa Varsity Athletic Admission.

ANTISIPASYON. Sinalubong ng mga magulang ang kanilang mga anak matapos ang PM session ng Grade 7 Admission Test (GAT). Photo Credit: Janella Francisco

Mayroong 680 na mag-aaral mula sa iba’t ibang pampubliko at pribadong paaralan ang kumuha ng GAT. Mula sa bilang na ito, 15 estudyante ang kukunin bilang lateral entrants para sa akademikong taon 2017-2018. Hiwalay pa rito ang 10 varsity players na tatanggapin sa ilalim ng VAAS Program.
 Kumuha rin ng GAT bilang placement test ang 95 na estudyanteng kasalukuyang Grado 6 sa UPIS.

Samantala, isinagawa ang KAT noong Marso 18, 20, 25, at 27. Sa 1,469 na aplikanteng kumuha nito, 1,349 ang mga anak ng non-UP personnel habang 120 ang sa UP personnel. Animnapung porsyento (60%) ng mga tatanggaping estudyante ang magmumula sa mga anak ng UP personnel.

Inaasahang sa Abril 10 mailalabas ang resulta ng GAT at sa Mayo 8 naman ang sa KAT. //ni Beca Sinchongco

Election period, simula na



Opisyal nang binuksan ng Senior Council (SC) ang election period para sa HALALAN 2017 na may temang “KAPITBISIG: Dream Together, Lead Together” noong Marso 28.

Sinimulan na ng SC ang pamamahagi ng mga Certificate of Candidacy (COC) para sa mga nagnanais na tumakbo sa eleksyon. Binibigyan ang mga kandidato ng hanggang Abril 7 upang isumite ang kanilang COCs.

Tatagal ang panahon ng kampanya mula Abril 18 hanggang Mayo 2. Magkakaroon ng
Miting de Avance para sa mga Year Level Organization (YLOs) sa Abril 27 at ang sa Pamunuan ng Kamag-aral (pKA) sa Mayo 2.

Gaganapin ang HALALAN sa Mayo 4 at inaasahang sa Mayo 16 ay maidedeklara ang mga nanalo sa eleksyon. //ni Chesca Santiago at Beca Sinchongco

Sports: The Real MVPs



The Juniors division of UAAP Season 79 is over, but this doesn’t mean that our athletes’ battles are over. Rather, it is the start of a long and intensive preparation for the next UAAP season. Here are the players who showed brilliance in their sport and donned the colors of maroon and green with pride.

One-Two Punch: Zoe Hilario and Charize Esmero

PARTNERS-IN-CRIME. Zoe Hilario and Charize Esmero (L-R), the power duo of the UPIS VST Girls’ Team, bagged several medals as they represented UPIS in various swimming competitions. Photo Credit: Zoe Hilario


Despite the busy schedule of student-athletes, Zoe Hilario and Charize Esmero didn’t fail to show their undeniable dedication in all their swimming competitions. The numerous medals they won together with their other teammates paved the way for them to make it to the NCR Meet. During the last UAAP 79 Juniors Swimming Tournament, Hilario brought home 7 medals and broke the record in the 400m Individual Medley while Esmero brought home 4 medals. As they are only a sophomore and a junior, respectively, many are excited as they wait for them to unleash their full potential. Who knows? They might even lead the Junior Maroon Tankers to the top of the podium in the seasons to come.

 Crowd Favorite: Emerson Ebreo

ALWAYS READY. Even with his limited minutes, Emerson Ebreo still managed to contribute and energize the UPIS Junior Maroons in his own way. Photo Credit: Emerson Ebrero


It is a rare instance when a homegrown student makes it to the Juniors Basketball Team’s UAAP line up, but this definitely didn’t stop Emerson Ebrero. Last Season 79, Ebreo from Batch 2019 started his UAAP campaign. Even with limited minutes on the court, he made sure to make the most out of it. With his charm and “angas”, he effortlessly won the heart of the crowd, serving as the spark plug of the team. Hopefully, we will see more of him in the next competitions.

Lowkey Player of the Year: Jazper Pacis

BEWARE. Jazper Pacis surpasses his limits after winning Rookie of the Year in the UAAP Season 79 Table Tennis Tournament last October 2016. Photo Credit: Raymund Creencia


Many may not know about Jazper Pacis, the prized recruit of the UPIS Table Tennis team from Kings‘ Montessori. Despite being quiet and shy, this didn’t hinder him from showing what he is capable of. In fact, he was hailed as the UAAP79 Rookie of the Year in Table Tennis. Despite this huge success, he still keeps his feet on the ground and gives his heart out in every training to improve more in order to be one of the best.

Walk in the Park: Gyles Abac

LEGACY.  Since he was in Grade 5, Gyles Abac has been training with the Junior Maroon Tracksters. He stared making a name for himself when he debuted in UAAP 76 in 2013. Photo Credit: UPIS Track and Field (FB Page)


As a freshman, Gyles Abac watched the seniors from the sidelines and took it as an inspiration to work harder in trainings. His commitment and patience to Track and Field (TnF) paid off very well as he won a gold and a bronze in the recently concluded UAAP79. He also was the lone representative of the UPIS TnF team in this year’s NCR Meet. Aside from being athletic, he is also blessed with a talent in the field of art. Gyles is known as one of the most creative people in his batch with a knack for drawing and video-making. Recently, he participated in the SDG Youth Competition where his team made it to the Top 7.

Setting the Standards High: Urielle Lilang

VETERAN. Urielle Lilang proves that experience matters more than height as she led the UPISGVT in the last UAAP Season 79 Girls’ Volleyball Tournament. Photo Credit: Urielle Lilang


Three years of being the heart and soul of the Girls Volleyball Team, Urielle Lilang’s legacy is a hard act to follow. Because of her height, most won’t even think of her as a volleyball player, but once she steps on the court, her doubters immediately become her fans. As the team’s setter, setting up plays and being the manager of the team are her main tasks. Even with the huge responsibility put on her shoulders as the team captain, she still prioritizes her studies. In fact, she was one of the few students chosen to go to Japan for the cultural student exchange program of Saijyo Super Science High School last February 2016. //by Julian Taloma, Maica Cabrera and Beca Sinchongco

UPIS, humakot ng gantimpala sa Ateneo YES



Humakot ng mga parangal ang UPIS sa naganap na Ateneo Youth Economics Summit 2017: Environmental Convergence noong Pebrero 28 sa Leong Hall Auditorium ng Ateneo De Manila University.

Nakuha ng pangkat nina Wenona Catubig, Bryant Galicia, Elkan Reyes, Eunice Ruivivar, at Anne Roxette Ticman ang ikalawang gantimpala para sa Policy Paper Making. Ikatlong gantimpla naman ang nakamit ni Alexandra Arugay ng Grado 10 para Extemporaneous Speech at ng pangkat nina Michael Casama, Sheena Labordo, at Patience Ventura para sa Quiz Bee.

TAAS-NOO. Buong pagmamalaking ipinamalas ng mga kinatawan ng UPIS ang kanilang mga sertipiko sa naganap na YES. Photo credit: Bb. Laarni Cabrales


Lumahok din sa Quiz Bee ang pangkat nina Gwen Dulay at Elijah Galang na nasungkit ang ikaapat na gantimpala at sina Jarod de Luna, Christian Sarabia, at Lander Suguitan na nakuha ang ikalimang pwesto.

Ang Youth Economics Summit (YES) ay isang pagtitipon ng mga mag-aaral sa high school mula sa iba’t ibang panig ng bansa. Kabilang sa programa ng YES para sa taong ito ang pagsasagawa ng mga forum at at pagdaraos ng mga patimpalak naglalayong linangin ang pagpapahalaga ng mga mag-aaral sa ekonomiks. //ni Beca Sinchongco

 ERRATUM: Kabilang si Aldrich de Ocampo para sa kategorya ng Policy Paper Making samantalang si Phil Brian Cosep naman ay kabilang sa pangkat nina Gwen Dulay at Elijah Galang sa Quiz Bee.

News: Batch 2020, dumalo sa career talk kasama ang Fluor Corp.


Lumahok ang Batch 2020 sa isang career talk kasama ang Fluor Corporation noong Pebrero 16 sa UPIS AV Room.

Ang Fluor ay isang multinational company na nag-aalok ng engineering, procurement, construction, maintenance, at project management services sa iba’t ibang panig ng mundo.

Nagsilbing tagapagsalita sa nabanggit na gawain sina Engr. Gizelle Jamero, Engr. Rommell Marinay, at Engr. Mark Sapungan ng naturang kumpanya. Nagbahagi sila ng kaalaman sa iba’t ibang larangan ng pag-iinhinyero gaya ng Electrical Engineering, Mechanical Engineering, at Civil Engineering. Inanyayahan din nila ang mga mag-aaral na lumahok sa National Engineers’ Week sa darating na Pebrero 19-25.

Karaniwang inoorganisa ng Student Services Department ang mga career talk sa paaralan. Inaasahang lalahok din sa parehong gawain ang Batch 2019 sa Pebrero 28. // ni Beca Sinchongco



START ‘EM YOUNG. Masayang nakiisa ang Batch 2020 kasama ang tatlong tagapagsalita sa naganap na career talk. Photo credit: Bb. Leng Painaga

News: Batches 2019 and 2020 glimmer in Lumine 2017


A luminous night indeed.

Juniors and Seniors from Batches 2019 and 2020 illuminated the Celebrity Sports Plaza, Quezon City in Lumine, their Junior-Senior Promenade, last February 18.

This year's prom featured a program inspired by the details in renowned Harry Potter series by author J.K. Rowling. The Triwizard Tournament was a new activity for this year’s prom where representatives from both batches competed to be the first to answer a question correctly. The winner’s table got to be the first to eat.

Another first in Lumine is “The Chosen Ones” title awarded to Batch 2020’s Megarth Morillo and Sophia Loriega. The title was accorded to the pair who picked the papers with the words “The Chosen Ones” written on them.

Michael Tee Jr. and Samantha Faye Salazar were crowned as this year’s Prom King and Queen while Bryant Galicia and Ellene Arceo were hailed as Prom Prince and Princess.

ROYALTY. Prom King Michael Tee, Jr. and Prom Queen Samantha Faye Salazar are crowned together with “The Chosen Ones” Megarth Morillo and Sophia Loriega (left) and Prom Prince and Princess Bryant Galicia and Ellene Arceo (right). Photo Credit: Diego Badion

The traditional turnover ceremony was also held wherein the seniors passed on their responsibilities to the juniors. The key that represents the responsibilities was handed over to Erika Sasazawa, the President of Juniors Association by Fred Samonte, Senior Council’s president; the torch of light from Chesca Joves to Mae Rodgers and the banner of Excellence from Patience Ventura to Rizza Cabrera.

Pairs from both batches were chosen to dance the cotillion. Bands Amamimamols, FLL, Smilky, and Silakbo together with other artists performed in the event as well. //Bryan Lina, Rebeca Sinchongco

News: UPIS student, nabiktima ng street children


Nagtamo ng minor injury ang isang mag-aaral ng Grado 5 matapos hampasin ng street children sa tapat ng UP School of Economics noong nakaraang linggo.

Pauwi na ang biktima at ilang kamag-aral nito nang paluin ng kawayan sa batok ang nabanggit na estudyante. Ayon sa mga mag-aaral, sinubukan pang batuhin ng street children ang grupo nila nang makita at mapigilan ito ng isang dumaarang concerned parent mula sa K-2.

Bago ang insidente, nauna nang inagaw ng street children ang nahulog na pera ng biktima. “Pagkatapos po naming maglaro sa sunken garden, nawala po ‘yung pera ng isa kong kaklase at nakita po naming pinulot ng street children. ‘Di na po namin pinatulan pero po nung pauwi na kami bigla na lang akong hinampas sa ulo,” pagbabahagi ng biktima ukol sa insidente.

Naiulat na sa paaralan ang insidente at kasalukuyang nireresolba ang isyu sa ilalim ng pangangasiwa ng administrasyon ng paaralan.// nina Bryan Lina at Beca Sinchongo

UPIS goes behind closed doors in CA EMA Week 2016



Doors were unlocked and pretenses were unveiled as UPIS celebrated the mystery-themed Communication Arts – English, Music, and Art (CA EMA) Week 2016 on November 15-19.

With the theme BEHIND CLOSED DOORS: Things Are Not What They Seem, events included in the 4-day celebration were intended to help develop the students’, teachers’, and staff’s genuine love for reading. Activities and competitions throughout Grades 3-11 include the spelling bee, book exchange, DEAR Day, and the Literally Literary Day (LLD).

VICTORIOUS. Representatives of the groups that triumphed from Grades 7-11 (left to right) receive their awards in their LLD costumes.
Photo Credit: Hazel Romero


The much-awaited Literally Literary Day wherein students, faculty, and staff come to school dressed up as literary characters was celebrated on November 17. Group representatives of each class from Grades 7-11 were given scenarios and performed at the Auditorium while individual representatives from Grades 3-6 were only asked to present their characters and performed at the Bulwagan. Group representatives of 7-Venus, 8-Dragonfly, 9-Zinc, 10-Yakal, and 11-Jaena were crowned as victors while Raiven Pascual of 3 - Dagat, Alexandra Blasi of 4 - Mustasa, Micheal Emery Go of 5 - Banahaw, and Dean Carmelo Cabrera of 6 - Perlas won in Grades 3-6.

Groupings for the LLD in Grades 7-10 were based on their household groups in English class while those in Grade 11 were based on their thesis groups.

This year also marked the launch of the Book-crossing activity, inspired by blind-date-a-book which gained popularity on the internet. Students were required to bring pre-loved and read books, wrapped in Manila paper with a note for the receiver. Books were then exchanged within or among sections through random raffle picks. After reading, receivers were asked to reply to the note from the sender, reminiscent of the DEAR Day tradition. Owners had the option whether to give away the book or ask for it to be returned. The activity aims to pique students’ interest in reading by exposing them to different genres of literature.

WORD CHAMP. Joshua Nabur from 6-Brilyante spells out his winning words.
Photo Credit: Gelleen Esposo


The spelling bee was held on November 15 in which six students from each grade level orally spelled the words asked of them. Felicity Gutierrez of 7-Neptune, Isabelle Ann Isip of 8-Dragonfly, James Tolosa of 9-Calcium, and Craig Aquino of 10-Lauan won in Grades 7-10. Sofia Tan of 3-Dagat, Aila Orillaza of 4-Mustasa, Stephanie Enaje of 5-Cordillera, and Joshua Nabur of 6 – Brilyante are the champions in Grades 3-6.

CLASSIC. The CA EMA Department reenact their performance through a pose as the 9th installment of the annual Rhyme, Rhythm, and Reason concludes.
Photo Credit: Hazel Romero


Festivities for the CA EMA Week 2016 were drawn to a close with the celebration last November 18 of the 9th Rhyme, Rhythm, and Reason (RRR). This year, it was held in memory of former UPIS English professors Prof. Nora Agbayani and Prof. Violeta Tandoc who passed away recently. The UPIS faculty and staff’s performances were interpretations of chorale-like recitation of lyrics to various songs–pieces Prof. Tandoc used to fondly ask her students to perform in class.

The Scholastic Book Fair also opened its stalls in the 3-6 campus throughout the whole week. //by Cedric Jacobo, Rebeca Sinchongco and Chesca Santiago

UPIS parenting seminar, inilunsad



Isinagawa ng University of the Philippines Integrated School (UPIS) Department of Student Services ang parenting seminar na may temang Positive Parenting: Raising Confident and Disciplined Children noong Nobyembre 5, 2016 sa Bulwagan 3-6.

Layunin ng taunang seminar na matulungan ang mga magulang sa paggabay at pag-unawa sa kanilang mga anak. Tinalakay rito ang mga usaping kinakaharap nila kaugnay sa pagpapalaki ng anak at parenting styles, partikular na sa study habits, self-esteem, at self-regulation ng kanilang mga anak.
Halos 200 na magulang mula Kinder hanggang Grado 11 ang dumalo sa nasabing gawain. Si Prop. Annalyn Capulong ng UP Department of Psychology ang naging tagapagsalita ng seminar.

Bago inilunsad ang aktibidad, nagsagawa muna ng isang needs assessment survey ang Departamento ng Student Services nang sa gayon ay maging gabay ito sa pagpili ng mga paksang higit na makatutulong sa mga magulang. 
HATID-KAALAMAN. Sama-samang nakinig ang mga magulang mula Grado K-11 na dumalo sa parenting seminar.
Photo credit: Ms.Leng Painaga

//ni Rebeca Sinchongco

Investiture 2016, idinaos



PANUNUMPA. Sabay-sabay na nanumpa sa harap ng mga manonood ang mga Junior at Senior Girl Scouts of the Philippines. Photo credit: Beca Sinchongco

Itinalaga ang bagong scouts ng University of the Philippines Integrated School (UPIS) nitong buwan ng Oktubre sa Bulwagan 3-6.

Ginanap noong Oktubre 7 ang investiture ng Senior Scouts at Boy Scouts of the Philippines (BSP) samantalang noong Oktubre 14 naman ang sa Girl Scouts of the Philippines (GSP).

Dalawampu’t pitong bagong Senior GSP, 26 na bagong Junior GSP, at 16 na Cadets mula sa Batch 2019 ang itinalaga. Anim na troop leaders naman ang nadagdag upang magsilbing gabay ng scouts. Bilang pagwawakas ay nagtalumpati ang GSP Quezon City board member at investing officer na si Gng. Wayawaya Sabia.

SA WAKAS. Nakangiting tagumpay ang mga bagong cadets ng Girl Scouts of the Philippines.
Photo credit: Anne Therese Papa

“Masaya ako kasi first time at medyo excited ako sa mga mangyayari. Ineexpect ko po na maganda ang place ng camping at masaya,”pagbabahagi tungkol sa gawain ni Jhia Bartolome na isang bagong GSP.

Samantala, pinangunahan naman ng mga Phoenix, boy leaders, at tagapayo ang pagtatalaga ng Senior at Boy Scouts kung saan 30 bagong Senior Scouts at 21 bagong BSP ang itinalaga. Si G. James Timothy Liwag ng UPIS Batch 2012 ang panauhing pandangal. Isa siya sa mga Eagle Scouts ng UPIS, ang pinakamataas na ranggong maaaring makamit ng isang estudyante sa BSP. Bilang panimulang pagbati naman ay nagtalumpati si Dr. Ronaldo San Jose. Binigyang tuon niya ang mga bagay na dapat taglayin at pagtibayin ng mga Senior at Boy Scouts.

LAGING HANDA. Sama-samang sinalubong ng Senior Scouts at Boy Scouts ang mga bago nitong miyembro.
Photo credit: Hanzvic Dellomas

Matapos ang kanilang seremonya, nagkaroon ang Senior Scouts at BSP ng Investiture Camp sa gusali ng 7-12. Nilayon nitong patatagin ang ugnayan sa pagitan ng scouts. // nina Hanzvic Dellomas at Beca Sinchongco

Sci Dept. muling idinaos ang BEST



Muling isinagawa ng University of the Philippines Integrated School (UPIS) Science Department ang programang Building Excellence in Science Teaching (BEST) noong Setyembre 17 at 24 sa gusali ng UPIS 7-12.

Inilunsad noong 2009, ang BEST ay isang extension program ng Science Department kung saan sinasanay ang mga guro mula sa iba’t ibang paaralan. Nilalayon nitong mahasa ang kanilang mga estratehiya sa pagtuturo at mapalalim ang kanilang kaalaman sa iba’t ibang paksa sa Agham. Ngayong taon, nakatuon ang nabanggit na programa sa temang Energy in Focus III.

Ang naturang gawain ay dinaluhan ng 40 guro sa elementarya at sekundarya mula sa 11 paaralan sa iba’t ibang probinsya tulad ng Bulacan, Olangapo at La Union.

Ito na ang ikatlong BEST kung saan katuwang ng paaralan ang Phinma Energy Corp., isang kumpanyang nakapokus sa oil and gas exploration at power generation.

// nina Chesca Santiago at Beca Sinchongco
Subscribe to: Posts (Atom)