Noong Oktubre ng 2019, lumahok ang mga mag-aaral ng Grado 12 sa kanilang On-Campus Internship, kung saan nakapagtrabaho sila ng dalawang linggo sa mga kolehiyo at opisina ng UP Diliman. Ang mga internship site ay batay sa kani-kanilang track, at ang mga nasa Social Sciences and Humanities na track ay pumunta sa mga internship sites na nauugnay sa panlipunang pagsusuri, sining, at pamamahayag.

Diliman Interactive Learning Center

Ang Diliman Interactive Learning Center ay matatagpuan malapit sa College of Engineering at sa Acacia Residence Halls.

Ayon sa mga interns, ang pangunahing gawain ay ang paglikha ng mga promotional materials tungkol sa learning objects at pagpresenta nito sa harap ng director ng DILC. Ayon kay Sophia Loriega, isa sa mga interns, “My attitude towards work and professionalism has changed.” (Nagbago ang aking saloobin tungkol sa pagtatrabaho at profesionalismo.)

Diliman Information Office

Ang Diliman Information Office ay matatagpuan malapit sa College of Music at sa Bahay ng Alumni. Dito sa site, ang mga gawain nila ay ang pagbabalita ng mga kaganapan sa UP Diliman. Nagsulat sila ng mga artikulo para sa opisyal na website ng DIO.

Ayon kay Ezekiel, isa sa mga interns sa site, “Masaya naman kahit papaano mag-trabaho sa isang office setting na lugar and memorable talaga yung mga small interactions sa mga staff and sa mga nagtratrabaho dun.”

College of Law

Ang College of Law ay matatagpuan sa kabilang panig ng Sunken Garden, katapat ng College of Education. Ayon sa mga interns, research-heavy ang trabaho nila sa site, kasama sa ibang gawaing maituturing ‘desk work’.

Ang mga interns ay hiniwalay sa dalawang institusyon ng kolehiyo. Dalawa sa interns ay napunta sa Institute of Human Rights at dalawa ay napunta sa Institute of International Legal Studies.

Ang mga nasa Institute of Human RIghts ay inatasang manaliksik tungkol sa mga prosesong ligal para sa mga law modules. Nagsaliksik sila tungkol sa search and seizures, conventions, at iba pa. Pagkatapos ay pina-revise sa kanila ang mga modules. Ipinagawa rin sa kanila ang pagsulat ng directory at mga liham sa mga tao at mga organisasyon na bibigyan ng mga libro tungkol sa karapatang pantao.

Ang mga nasa Institute of International Legal Studies ay pag-aayos ng UP Law website at pagsasaliksik para sa mga salaysay na, ayon sa mga interns, kasing lebel ng thesis sa Grado 10.

“More on paper work talaga,” ang sabi ni Mariel Diesta, isa sa apat na interns sa site, “Mas broad ang knowledge na makukuha mo sa site kasi mas magiging open-minded ka sa mga nangyayari ngayon at mas mamumulat ka tungkol sa mga laws natin na ang dami sanang magbebenefit kung naiimplement lang nang maayos.” Ayon naman sa isa pang intern, si Cynl Tecson, “I realized that [learning how to make a thesis] is very important. A lot of other subjects are not useful. [Ahem], Math” (Napagtanto ko na ang pag-aaral kung paano gumawa ng thesis ay importante talaga. Madaming ibang subjects na ‘di naman kasing kapaki-pakinabang. Ahem, Math.)

Sentro ng Wikang Filipino

Ang Sentro ng Wikang Filipino ay matatagpuan malapit sa checkpoint ng University Avenue at sa tapat ng Institute of Small Scale Buildings.

Ang naging trabaho ng mga interns dito ay ‘desk work’ rin. Ang mga gawain nila ay nagpokus sa pagsusulat. Sila’y nagsulat, nag-proofread, at nag-edit ng mga artikulo para sa publikasyon, at gumawa ng pagsasalin, indexing, at naghanap ng mga referees para rito.

“Instead of learning new skills, I got to use the skills I've already developed sa MC in a more professional setting, ” sabi ni Owen Bernos, isa sa dalawang interns sa site, “My confidence in working in this field was boosted because of my experience in SWF.” (Sa halip ng matuto ng bagong kakayahan, nagamit ko ang mga natutunan ko sa MC sa mas propesyonal na setting. Tumaas ang kumpyansa ko sa pagtatrabaho sa field na ito dahil sa karanasan ko sa SWF.)

College of Social Work and Community Development

Ang College of Social Work and Community Development, na malapit sa UP College of Human Kinetics, ay kung saan nag-intern sina Aleana Ria Estilon at Roel Ramolete. Ayon kay Roel, masaya at nakaka-enlighten ang karanasan niya sa internship site niya. Ang trabaho nila sa site ay pagsusulat ng mga artikulo, paggawa ng mga poster, at pakikilahok sa mga immersion at workshop programs.

Gumawa rin sila ng radio drama na programa para sa DZUP tungkol sa community development at mga social workers. Sabi ng mga interns na maganda ang kanilang karanasan dahil nakikita nila ang proseso at ang mga ginagawa ng mga taong nagpapabuti sa buhay ng mga mamamayan na nasa marginalized na sektor sa lipunan.

College of Mass Communication

Ang internship para sa College of Mass Communication, na matatagpuan malapit sa College of Music, ay nagpopokus ng mga gawain nila sa DZUP, ang opisyal na radyo para sa UP Campus.

Ang sabi ng mga interns, karamihan ng mga gawain nila ay pag-eedit ng audio, pagsasanay kung paano magsalita sa mga programa sa radyo, at pagsusulat ng mga script para sa radyo.

Naging mahalagang karanasan ang pagtatrabaho sa mismong booth at setting ng DZUP, at nakatulong ang kapaligiran sa paggawa nila ng mga tungkulin na bago para sa mga interns. Ayon kay Keio Guzman, isa sa mga interns, “A really important thing I picked up on when I was at DZUP [was] how everything you do is learned and how you learn it is by just doing it over and over again until it’s hammered into you.” (Isang mahalagang bagay na natutunan ko noong nasa DZUP ako ay kung paano ang mga ginagawa mo ay matutunan mo at matututunan mo ito sa pamamagitan ng pag-uulit at pag-uulit nito hanggang makabisado mo.)

Center of Women’s and Gender Studies

Ang Center of Women’s and Gender Studies ay malapit sa College of Mass Communication at College of Social Work and Community Development.

Ang naging pangunahing gawain ng mga interns sa site ay pagtulong sa mga seminars at workshops ng sentro. Sila ang nakatalaga sa pagkukuha ng mga litrato tulad ng mga picture at video, sa pamamahala registration booth, at sa paggawa ng mga sertipiko. Gumawa rin sila ng directory para sa mga libro sa opisina.

“Nagkaroon ako ng insight sa kung ano ang maaari kong maranasan kapag nagsimula na akong magtrabaho,” ang sabi ni Cedric Creer, isa sa mga mag-aaral na nag-intern dito, “Nakita ko ang kahalagahan ng internship na ihanda kami sa kung ano mang bagay sa future.”

College of Fine Arts

Ang College of Fine Arts ay matatagpuan sa kabilang dulo ng checkpoint sa University Avenue. Doon ang internship nina Joy Asuncion, Angel Dizon, at Ulap Coquilla. Nagkakaiba ang karanasan nila sa internship dahil sa iba’t ibang departamento sila nakapunta; ayon sa pagkakabanggit, sila’y naging intern sa Fine Arts Library, Ceramic Studio, at Fine Arts FABLAB.

Ang trabaho sa Fine Arts Library ayon kay Joy Asuncion ay pagsasaliksik tungkol sa mga bagay-bagay na may kaugnayan sa sining, tulad ng mga artista’t pintor at mga likhang sining. “Para sa'kin, ang pangunahing natutunan ko sa intership, maliban sa art knowledge, ay ang halaga ng pakikitungo sa co-workers mo. Isa yung malaking bagay na posibleng ‘magmake-or-break’ ng experience mo at para sa CFA lib, they made my internship really really worth it.”

Ayon kay Angel Dizon, ang karanasan niya sa Ceramic Studio ay katulad ng isang malaking workshop. Ang mga gawain niya ay pagbuo at paglikha ng clay at produkto na gawa sa clay. Naging gawain rin niya ang pag-oorganisa at pag-aayos ng studio, tulad ng pag-repack ng clay at pag-oorganisa ng mga kahoy para sa mga workshops ng studio.

Ang natutunan ni Angel mula sa karanasan niya sa kanyang internship ay tungkol sa kakayahan niyang sosyal. “Lagi at lagi kasing willing magshare ng informations mga supervisors at mga katrabaho ninyo sa site, kaya ask lang nang ask! At magtanong din nang gagawin pag naka-idle ka lang,” ang sabi niya, “Mas okay [na] mas madaming o laging may ginagawa.”

College of Arts and Letters

Ang internship sa College of Arts and Letters ay ginawa sa Dulaang UP Office sa CAL Pavilion 3.

Ang mga gawain nila ay nagpokus sa departamento ng Dulaang UP at kanilang bagong dula. Dahil lumipas na ang panahon para sa produksyon at paggawa ng mga set props, ang mga gawain nila ay nakatuon sa marketing, publicity, at paghahanap ng sponsor. Nag-print sila ng mga posters at sila’y naglakad sa buong campus para ipaskil ito sa mga bulletin boards sa mga jeepney stop. Sila rin ay nag-promote sa mga kolehiyo room-to-room at naghanap ng mga sponsor sa paraan ng pagtawag sa mga iba’t ibang kompanya at pamamahagi ng liham.

Naging malaking tulong ang karanasan nila sa kahusayan nila sa komunikasyon, time management, at pagtatrabaho ng mabilis. Ayon kay Angie naging pangunahing natutunan niya sa karanasan ay ang halaga ng maliliit na gawain tulad ng paglalagay ng posters sa campus. “These tasks might seem menial to some but they actually require a lot of patience and hard work and more importantly, they contribute a lot to the success of the whole prod.” (Ang mga gawaing ganoon ay karaniwang minamaliit dahil tila sila’y madali ngunit ang totoo ay kailangan ang sipag at tiyaga para magawa ang mga ito. Bukod dito, malaki ang kontribusyon ng mga gawaing ito sa tagumpay ng buong produksyon.)

Ang On-Campus Internship sa Gade 12 ay ang magiging unang karanasan ng mga mag-aaral UPIS sa totoong office setting. Iba’t ibang maaaring impact sa iba’t ibang site sa iba’t ibang track, pero siguradong-sigurado na ang mga karanasan dito ay hindi makakalimutan. //ni Kiara Gabriel

Taon-taon ay may pinupuntahang internship sites ang mga Grado 12 bilang tugon sa kanilang requirement. Dalawang linggo sumailalim ang mga Grado 12 sa kanilang on-campus internship. Bawat track ay may iba’t ibang internship sites. Narito ang pitong internship sites sa On-Campus Internship ng Grado 12 sa Business and Entrepreneurship (BE) track.

1. University Food Service (UFS)

 

Ang mga UPIS Grade 12 interns kasama ang mga katrabaho nila sa University Food Service.

Photo credit: Milcah Aragones

Ang University Food Service o UFS ay makikita sa Kalayaan Residence Hall sa harap ng dating Shopping Center. Ayon kay Milcah Aragones, isa sa mga interns sa site, napakarami nilang ginagawa sa UFS. Nakita rin nila ang mga posibilidad na trabaho sa food service. Naransansan nilang mag-cater sa mga opisina sa loob ng UP Diliman, maghain ng pagkain sa counter, maging barista sa coffee shop, mag-inventory sa purchasing, at tumulong sa bakeshop.

Napakasaya ng experience nila sa UFS, ayon kay Milcah. Isa ito sa mga hindi niya makakalimutan sa buong Grade 12 niya. Sa isang buong araw nilang pagtatrabaho ay hindi na nila ramdam ang kanilang pagod dahil masaya sila sa kanilang ginawa at magaan kasama ang mga katrabaho. Kung tatanungin sila kung gusto nila ulit mag-intern dito ay hindi sila tatanggi. Sa loob ng dalawang linggo nilang pananatili sa UFS ay hindi nila malilimutan ang mga taong nakilala nila rito, bagong kaibigan o mga bagong ate at kuya. Nagkaroon sila ng bagong interaksyon sa ibang tao na hindi nila aakalain na mangyayari.

2. UP Accounting Office

 

Ang mga UPIS Grade 12 interns kasama ang mga katrabaho nila sa break room ng UP Accounting Office. Photo credit: Chloie Guanzon

Ang UP Accounting Office ay matatagpuan sa Shopping Center. Ayon kay Bryant Galicia, isa sa mga mag-aaral na nagtrabaho rito, bawat linggo ay nasa iba’t ibang departamento sila. Sa unang linggo nilang pananatili sa UP Accounting Office ay nasa Pre-Audit Department sila. Nag-ayos sila ng disbursement vouchers o DV. Ang disbursement voucher ay isang slip ng mga pinagbibili ng isang organisasyon o empleyado ng UP. Ibinibigay ito sa Accounting Office para ma-reimburse ang mga pinagkagastusan. Ang mga interns ang nag-ayos at nag-input kung magkano ang nagastos, sinong gumastos, anong organisasyon ang gumastos, para saan ang pinagkagastusan at kailan naganap ang isang aktibidad.

Sila rin ay pinagkompyut ng tax. Bago ipagawa sa kanila angbtrabaho, ipinaliwanag sa kanila kung ano ang mga gagawin tulad ng tamang percentage, rate at kung non-VAT o VAT, at kung anong klaseng tax ang ilalagay para sa mga produkto, services, gas, oil, atbp. Dagdag dito, pinag-ayos din sila ng mga impormasyon sa PhilHealth ng mga empleyado ng UP.

Sa pangalawang linggo nila ay inilipat sila sa ibang departamento, ang Special Projects Department. Ang pinagawa sa kanila rito ay pinag-reconcile ng mga transaction. Binigyan sila ng dalawang set ng papel: ang isa ay listahan ng mga transaksyon at ang isa naman ay mas detelyadong transaksyon na may DV number at petsa ng isang tseke.

Ayon kay Bryant, naging masaya naman ang experience niya sa UP Accounting Office dahil accountancy talaga ang gusto niyang kursong kuhanin sa kolehiyo. Kahit na dalawang linggo lang silang nag-internship, marami siyang natutunan dito. Isa pa, masaya nilang kasama ang kanilang supervisors kahit na medyo may pagkasensitibo ang mga impormasyon na kanilang hawak. Madalas rin na hindi nila naiintindihan ang mga komplikadong bagay-bagay, pero madaling kausapin ang kanilang mga supervisors at hindi sila pini-pressure sa trabaho. Hindi malilimutan ni Bryant ang karanasan nila sa internship dahil bawat araw ay may natutunan silang bago tungkol man sa opisina, sa accounting, at ang mga bagay-bagay na natutunan niyang pwede i-apply sa personal na buhay.

3. Institute for Small-Scale Industries (UP ISSI)

Ang mga UPIS interns sa UP ISSI sa seremonya ng paggawad pagkatapos ng internship. 

Photo credit: Angela Babaran

Ang UP Institute for Small-Scale Industries o UP ISSI ay matatagpuan malapit sa UP College of Human Kinetics, sa tapat ng UP School of Urban and Regional Planning. Ayon kay Angela Babaran, isa sa mga interns sa site, sumakto ang kanilang internship sa gagawin ng ISSI na training programs para sa mga MSME o ang Micro Small Medium Enterprises. Sila ay tumulong sa mga programa na ito. Ang ilan sa mga gawain nila ay paggawa ng directory ng mga participant, pagtanggap ng mga bayad ng participants, at paghahanda ng mga sertipiko ng gantimpala. Gumagawa rin sila ng ‘office work’ tulad ng pag-encode ng mga data.

Sa kanilang naging karanasan, nakita nila kung paano gumagalaw sa isang opisina at ang mga ginagawa bago magkaroon ng mga training. Ayon kay Angela, noong una akala niya'y madali gumawa ng mga ganitong trainings ngunit nalaman niya ngayon na mayroon palang mahabang proseso bago maaprubahan ang mga gawain pinlano. Kailangan magpasa ng training course design bago ipaapruba ang training program at kailangang magsaliksik kung ano ang magiging laman ng isang training program. Si Angela ay itinalaga sa isang mentor na nag-aayos ng mga finances at natutunan din niyang gumawa ng mga vouchers. Hindi sila itinuring bilang interns na mag-aaral lamang, ang turing ng mga katrabaho nila sa kanila ay parang collegue silang lahat. Hindi rin sila binibigyan ng madadaling trabaho kaya mas marami silang natutunan, partikular ang pagsasanay sa kanilang time management, dahil madami silang trabahong kailangang matapos.

Kahit nakakapagod ang trabaho hindi nila ito gaanong naramdaman dahil masaya ang mga kasama nila sa trabaho. Hindi nila naramdaman na interns lang sila. Mas pinaramdam sa kanila na parte sila ng pamilya ng ISSI. Ang pinaka di malilimutang ni Angela sa internship ay pagiging malapit niya sa kanyang mentor. Nakakapag-usap sila tungkol sa iba’t ibang bagay na parang mga magkaibigan. Subalit, hindi nawawala ang kanyang respeto sa mga supervisor at katrabaho.

4. The Tea Room

 

Mga UPIS interns sa harap ng The Tea Room. Photo credit: Ayesha Fernandez

Makikita ang The Tea Room sa UP College of Home Economics. Naranasan ng mga interns ang gawain ng waiter at waitress ng restaurant. Sila ang taga-serve ng pagkain, tagalinis, taga-handa ng pagkain, at tagagawa ng kape na parang barista.

Ang kanilang naging karanasan dito ay nakakapagod dahil tuloy-tuloy ang kanilang trabaho. Walong oras ang kanilang trabaho at maraming pagkakataon na nakatayo sila. Ayon kay Ayesha Fernandez, isa sa mga mag-aaral na napunta sa site, kung minsan dahil sa pagod nila ay naiiyak na sila. Ngunit kahit ganoon pa man ay masaya nilang kasama ang mga staff at co-interns nila sa trabaho. Nawawala na rin ang pagod nila dito kahit papaano. Ang pinaka-memorable na experience nila ay tuwing patapos ang kanilang oras sa trabaho, magkakantahan na lang sila. Ito ang kanilang nagiging “mini” pahinga habang naglilinis dahil nakakapagkwentuhan sila sa isa’t isa.

5. UP Balay Kalinaw

 

Mga UPIS interns kasama ang kanilang katrabaho sa harap ng Balay Kalinaw. 

Photo Credit: Anne Dela Cruz

Ang UP Balay Kalinaw ay matatagpuan sa kanto ng Dagohoy at Gomburza Street, malapit sa Ilang Ilang Residence Hall at UP Hostel. Ang ginawa ng mga interns sa Kapit Balay, ang apartment complex na kaugnay sa Balay Kalinaw, ay naglilinis ng mga kwarto at housekeeping sa inventory ng mga supplies. Sila rin ay nag-iinventory ng mga ipapalaba at ang mga idedeliber na labahin. Sa Balay Kalinaw naman ay sumagot sila ng mga tawag, tumanggap din sila ng mga kliyente para sa venue at accommodations, at gumawa rin sila ng final billing.

Para kay Anne, masaya ang naging karanasan niya ngunit nakakapagod ang kanilang ginagawa lalo na sa Balay Kalinaw. Doon ay puro pisikal na gawain ang kanilang ginagawa at labas pasok din sila sa opisina. Pero kahit napapagod sila ay masaya pa rin sila dahil sa mga supervisors na kasama nila. Kung minsan kapag wala silang gagawin, nakakapagkwentuhan silang magkakatrabaho. Ang pinaka di makakalimutan nila sa internship ay ang mga huling araw nila sa Balay Kalinaw at Kapit Balay. Sa Kapit Balay, sa kanilang huling araw bago sila lumipat sa Balay Kalinaw office, nahuli silang umuwi dahil tinapos pa nila ang kanilang brochure. Ngunit biglang may kumatok sa pinto, at noong binuksan nila walang tao sa labas kaya nagkatakutan sila. Sa Balay Kalinaw office naman, sa huling araw din nila, sobrang nataranta sila noong hapon dahil minadali nila ang isang event sa linggo, sa punto na pati mga katrabaho nila ay nataranta na rin. Masaya ang kanilang pananatili sa site dahil sa mga taong nakasama nila sa opisina na itinuring silang parte ng pamilya.

6. UP College of Fine Arts (UP CFA)

Sa UP College of Fine Arts, na matatagpuan sa Emilio Jacinto street, nagbukas ng dalawang departamentong tatanggap ng interns at hindi lamang galing sa BE track ang nandito sa site. Mayroon ding mga galing sa Social Sciences and Humanities (SSH) track.

a. Ceramic Studio

 

Mga mag-aaral UPIS sa UP Fine Arts para sa internship.

Photo credit: Angel Dizon

Sa Ceramic Studio, ang mga naging intern sa BE track ay si Diego Badion at Alizia Marquez, sa SSH track naman ay si Angel Dizon. Ang mga ginawa nila ay tumulong sa operasyon ng mga katrabaho nila, naglinis, nagpunas ng mga lamesa at ng pottery wheel, at nagwalis din sila ng 2nd floor. Dagdag pa dito pinagmasa sila ng clay, tinuruan magputol ng kahoy na gagamiting panggatong, nagsiga din sila ng kahoy para sa mga pots na patitigasin at huli ay pag-glaze nila ng mga pots. Actuwal silang pinaggawa ng mga proseso ng paghuhurno ng tasa.

Para kay Diego ang naging karanasan niya rito ay masaya. Marami silang natutunan na mga bagong impormasyon at may mga kakayahan siyang nadiskubre para sa kanyang sarili. Ang pinaka hindi makakalimutan na karanasan ni Diego ay ang mga kulitan nila nina Angel at Alizia pati na rin ng mga kasama nila sa trabaho. Walang araw na wala silang biruan sa o kaya prank. Dahil din dito, nawawala ang pagod nila.

b. FABLAB

 

Mga UPIS interns kasama ang kanilang mga supervisors sa FABLAB. 

Photo credit: Alapaap Coquilla

Ang mga naging interns sa FABLAB ay sina Kitakat Cuerdo at Eunice Regresado ng BE track at

Si Alapaap Coquilla ng SSH track. Ang kanilang mga ginawa dito ay tinuruan sila ng mga basic ng kagamitan at mga kailangan sa Adobe illustrator at RDworks. Nagamit nila ito upang paganahin ang CNC laser cutter. Nagkaroon din sila ng pagkakataong tulungan ang mga kliyente sa FABLAB, at maging pokus ang customer service. Bukod pa rito ay pinagawa rin sila ng isang video na isang dokumentasyon tungkol sa kanilang internship.

Ayon ka Kitkat masaya ang karanasan niya sa internship, at nagustuhan niya ang mga tao, pasilidad at environment kung nasaan sila. Maraming siyang natutunan at naging inspirasyon niya ito upang ipagpatuloy ang passion sa sining. Ang pinaka hindi niya malilimutan na bahagi ng internship ay ang mga nakasama niya sa FABLAB dahil sa araw-araw niyang nakita at nakasama sila. Naramdaman niya na hindi niya kailangan mahiya sa mga taong kasama niya. Isa pa, natuwa rin siya sa environment ng site dahil puno ng mga malilikhaing gawa ng iba’t ibang mag-aaral at katrabaho niya

Naging malaking tulong para sa BE Track ang On-Campus internship nila. Ang mga pinag-aaralan nila sa kanilang track ay ginagamit nila sa totoong pagtatrabaho sa kanilang field. Mula sa accountancy hanggang sa food service hanggang sa managerial skill, naipakita na mayroong real-life na aplikasyon sa kanilang edukasyon sa track. Nagiging makabuluhang na karanasan ang internship sa Grade 12, karanasan na magiging mahalaga sa kanilang kasalukuyan. //nina Kiara Gabriel at nina Tracy Mondragon 

Noong Oktubre, sumailalim ang Grado 12 ng Applied Sciences and Engineering Track sa programa ng internship sa iba’t ibang institusyon sa UP Campus sa loob ng dalawang linggo. Samu’t sari ang kanilang mga gawain at ambag, ‘di lang sa internship site na kanilang napuntahan, pati na rin sa buong unibersidad. Upang magkaroon tayo ng ideya kung ano-ano ang kanilang mga kinaharap sa kanialng internship, ating isa-isahin ang mga site na napuntahan ng ating mga kapwa mag-aaral mula sa App Sci.

1. UPHS

Ang UP Health Service o Infirmary ay matatagpuan sa tapat ng Parish of the Holy Sacrifice, sa Laurel Avenue. Ayon sa mga interns, kanilang inikutan ang mga departamento ng site, katulad ng Triage, Publich Health, Dental, X-Ray atbp. Ilang sa kanilang ginawa ay ang pangongolekta ng impormasyon ng mga pasyente, katulad ng height, weight at blood pressure, pagkuha ng mga impormasyon mula sa mga blood sample at marami pang iba.

Natuwa naman ang mga interns sa nasabing site dahil bagaman matagal ang proseso ng iba’t ibang mga trabaho na binigay sa kanila ay gusto talaga nila ang kurso ng medisina. Nakakakaba nga lang daw minsan sa tuwing naiiwan sila ng kanilang mga supervisors ngunit dahil doon ay natutunan nilang maging mas independent.

Napagtanto rin ng mga interns na higit pa sa sweldo, ang higit na mahalaga sa mga empleyado ng UPHS ay ang pagtulong sa mga nangangailangan. Kaya bagama't di kataasan ang kanilang sinasahod ay nananatili pa rin sila rito.

2. MSI

Ang Marine Science Institute o MSI, ay matatagpuan malapit sa UP EEE, paglagpas sa UP gate ng CP Garcia Ave. Ilan sa mga ginawa ng mga interns dito ay ang pagreresearch ukol sa physical oceanography at pag-ayos ng impormasyon ukol sa dagat, katulad ng salinity at pressure nito. Dagdag dito nagsagawa rin sila ng mga graphs upang ilatag ang mga impormasyong kanilang nakalap. Bukod pa rito, nag-enhance rin ang mga interns ng satellite images ng mga reclamation areas upang mapakita kung alin ang mga maaaring tirhan ng iba’t ibang hayop.

Natuklasan ng mga interns ang iba’t ibang gadgets na ginagamit upang magrecord ng impormasyon ukol sa karagatan, gaya ng salinity at pressure ng tubig sa iba’t ibang lebel.
j
Naging hamon sa kanilang ang mga impormasyong kanilang kailangang makalap ngunit sila nama’y nabighani kanilang natuklasan sa pag-aanalisa ng karagatan. Bukod pa rito, mas nahasa ang mga interns sa coding at interpretasyon ng data na magagamit nila ito sa hinaharap.

3. UP Arki

Ang UP College of Architecture o mas kilala bilang UP Arki ay matatagpuan sa Delos Reyes Street. Dahil sumakto sa Science Society Month ng UP Arki ang internship, mas nagpokus ang mga trabaho ng interns ng Arki sa pagtulong sa pagsasagawa ng mga events katulad ng space + silhouette, isang talk ukol sa aplikasyon ng arkitektura sa fashion. Bukod rito, nagsagawa rin ang mga interns ng drafting.

Hiling nila na sana’y mas mahaba ang panahon ng internship upang mas marami silang nagawang aktibidad sa Arki.

4. ICE

Ang UP Institute of Civil Engineering o ICE ay matatagpuan sa TH Pardo de Tavera Street. Ayon sa mga interns, iba’t ibang mga field ng Civil Engineering ang kanilang sinubukan at bawat field ay mayroon silang ginagawang hands-on activity. Naranasan din nilang dumalo sa mga pagtalakay ukol sa nasabing field, kung saan nag-sit-in sila sa isang lecture. Isang halimbawa na ang sa Geotechnical field, kung saan nagsala ng lupa ang mga interns upang mahiwalay at mapag-iba-iba ang mga uri ng lupa.

Ayon sa mga interns, natuwa sila sa pagkakataong makagamit ng iba’t ibang uri ng kagamitan sa pangangalap ng datos. Naging komportable rin sila dahil bagong renovate ang gusali kaya’t malinis ang site. Nakatulong din sa kanila ang mabuting pakikitungo ng kanilang mga supervisors.

Dahil sa internship, natutunan ng mga interns ang makaangkop sa bagong kapaligiran at mas maging malay sa oras at iskedyul ng mga gawain. Bukod pa rito, natutunan ng mga interns na maging mas maingat sa mga kagamitan sa kanilang trabaho lalo pa't mamahalin ang mga equipment sa kanilang site.

5. “Triple E”

Ang UP Electrical Electronics and Engineering o “Triple E” ay matatagpuan sa tabi ng Department of Computer Science at “Triple M”, sa Velasquez Street. May 14 na mga laboratoryo ang gusali ngunit lima lamang ang inikutan ng mga interns sa dalawang linggo. Isa sa mga laboratoryong kanilang napuntahan ay ang Digital Signal Processing Lab, kung saan tinalakay sa kanila ang iba’t ibang uri ng signal at audio. Tinuruan din ng audio-editing ang mga interns gamit ang isang software.

Ayon sa interns, talagang namulat sila at maraming natutuhan sa kanilang site. Binanggit din nila na friendly at accommodating ang kanilang supervisors. Bagama't may katagalan ang ilang proseso ng mga gawain, nakakaramdam naman ng saya ang mga interns kapag kanilang natatapos ang mga trabaho. Natutunang din nilang maging mas strategic at resourceful sa pagharap ng ilang maliliit na problema.

6. “Triple M”

Ang UP Mining Metallurgical and Materials Engineering o “Triple M” ay matatagpuan sa tabi ng Department of Science, sa Velasquez Street. Ilan sa kanilang ginawa ay ang environmental assessment at synthesis of materials. Tinukoy nila kung saan magagamit ang materials at pinag-iba-iba ang mga uri nito.

Para sa mga interns, hindi nila masyadong napaghusay ang kanilang buong kakayahan dahil isang laboratoryo lamang ang kanilang napuntahan sa buong dalawang linggo. Gaya sa ibang site, accomodating naman ang mga supervisors sa kabila ng pagiging abala sa mga gawain.

Dahil sa internship, natutunan ng mga interns na mas habaan ang pasyensa dahil kailangang maging maingat sa mga equipment at mga proseso sa laboratoryo. Bukod pa rito, nahasa rin ‘di umano ang mapanuring pag-iisip ng mga interns dahil sa kawalan nila ng malalim na kaalaman sa trabahong nabigay sa kanila.

7. Institute of Biology

Ang UP Institute of Biology ay matatagpuan sa Science Complex, Regidor Street. Ilan sa mga ginawa ng mga interns rito ay species identification, DNA extraction, pag-resaerch sa DNA bar coding, at iba pa.

Nakatulong sa mga interns ang pagkakaroon ng mga libreng oras at maayos ang kanilang schedule. Inilarawan naman nila ang mga supervisors na accommodating, palakaibigan at palabiro na naging dahilan para hindi maging masyadong seryoso lagi ang kanilang trabaho.

Nahasa naman ang pasyensa ng mga interns dulot ng tagal ng proseso ng kanilang trabaho. Bukod pa rito, natutunan ng mga interns na maging precise sa mga pinagawa sa kanila, partikular ang nauugnay sa DNA na isang pagkakamali lamang ay malaki na agad ang epekto sa kanilang research.

8. NCTS

Ang National Center for Transportation Studies o NCTS ay matatagpuan sa likod ng Department of Interactive Learning Center, sa G. Apacible Street. Ang mga ginawa ng mga interns ay ang pag-encode ng mga forms ukol sa household activities, pagpa-plot ng mga jeepney stops sa mapa, pagsasarbey ukol sa bilis at dami ng mga sasakyan at ng mga bisikleta sa UP Sunken Garden at pagmo-monitor ng daloy ng trapiko sa intersections sa campus.

Ayon sa mga interns, naging sobrang busy nila dahil ipinaranas sa kanila ang mismong trabaho ng mga empleyado ng kanilang internship site. Sa kabila nito, naging masaya naman raw ang karanasan dahil nauugnay sa kanilang interes. Bukod pa rito, sobrang accommodating at palakaibigan rin ng kanilang supervisors.

9. ITDC

Ang Information Technology Development Center o ITDC ay matatagpuan sa Vidal A. Tan Hall, Quirino Avenue. Ang pangunahing gawain ng mga interns ay pananaliksik, paggawa ng inforgraphic at pagtalakatay sa iba’t ibang isyu ng teknolohiyang ginagamit para sa paraan ng komunikasyon, katulad na lamang ng Data Privacy.

Bagaman maraming pinagawang presentasyon sa interns, nagkaroon naman sila ng mga break. Mabuti rin ang pakikitungo at mauunawain ang kanilang mga supervisor.

Dahil mga presentasyon ang pangunahing trabaho ng mga interns, natutunan nila kung ano ang mga dapat isaalang-alang sa tuwing gagawa nito. Bilang karagdarag, naging independent rin sila sa pagri-research dahil na rin sa dami ng inaasikaso ng kanilang mga supervisor.

10. Institute of Chemistry

Ang Institute of Chemistry ay matatagpuan sa Science Complex, sa tabi ng National Institute of Molecular Biology and Biotechnology, sa CP Garcia Avenue. May dalawang lab na napuntahan ang nag-internship rito. Ang mga lab ay para sa pag-research ng drug design na maaaring gamitin upang maging lunas sa sakit. Samantala, ang isa namang lab ay para sa iba’t ibang uri ng halaman na gagamitin para sa nasabing drug design. Ang intern ay nagsasagawa ng research ukol sa posibleng lunas sa malaria.

Ayon sa intern, magandang oportunidad ang maging saksi sa mga maaaring maging lunas sa modernong sakit. Naging hamon lang sa intern dahil ang ilang kasama niya sa site ng College of Science ay nasa ibang institute. Mas madali raw sana kung may kasama ang siya at posibleng natapos raw sana ang study na kaniyang ginagawa ukol sa malaria. Dahil sa kakulangan sa oras, hindi natapos ang study na ginawa ng intern sa dalawang linggo ng internship.

Ang mga supervisor naman ng intern ay mababait, ‘di raw siya pinabayaan at hindi naging mahigpit sa kaniya. Pero dahil mga propesor din ang supervisors, medyo busy rin sila sa kanilang mga klase.

Ilan sa maraming natutunan ng intern ay ang pagiging mas mahusay sa komunikasyon sa kaniyang supervisor dulot ng pagiging mag-isa sa site. Bukod pa rito, nahasa rin ang time management skill ng intern. Natutuwa siyang naranasan ang totoong buhay sa field ng mga chemist.

Iilan lamang ang mga nasa listahang ito ang mga posibleng internship site sa buong campus, sa larangan ng siyensya. Sana ay hindi maging sanhi ng takot at kaba ang listahang habang papalapit tayo sa Grado 12. Sa halip ay gamitin natin ang mga impormasyong ito bilang paghahanda sa ating on-campus internship, bago man ang internship site na mapupunta sa atin o nasa listahang ito. //ni Ned Pucyutan

INTRODUCTION. Ms. Lalay Fuster smiles in front as she gives a brief overview of the habits needed for success in work. Photo credits: Mrs. Laarni Cabrales

UPIS Batch 2020 students attended the Personality Development Seminar (PDS) at the Audio Visual Room (AVR) on September 18.

The seminar was hosted by Ms. Lalay Fuster, Information and Communication Officer for the Office of Alumni Affairs at the University of the Asia and the Pacific.

Fuster discussed habits of success such as time management, listening skills, decision-making & reflecting, interpersonal & social skills, empathy, professional lifestyle, and stress management.

The students were taught how to conduct themselves in the workplace. They were also given practical tips for each work habit. Some of them participated in mock interviews and team-building activities to apply the habits they learned.

According to Mrs. Cabrales, “Topics specific to soft skills, work ethics/values were discussed plus some points on stress management for UPCAT were incorporated… activities were to strengthen certain points [from the habits].“

The PSD is the third and final seminar pre-internship requirement for Grade 12 students. //by James Tolosa

Heads Shoulders and? - Students were made to recite the human anatomy with a revised version of “Heads shoulders knees and toes” Photo Credit: Keio Guzman

A two-day Gender and Development Seminar (GAD) was held on August 29-30, for the graduating batch of the University of the Philippines Integrated School (UPIS) at the 4th floor Audio-Visual Room (AVR).

The seminar was held by the UP Diliman Gender Office (UPDGO) and the Office of Anti-Sexual Harassment (OASH), which aimed to spread awareness among the students regarding gender inequality, cases of sexual harassment around the campus, and steps to take in reporting such cases.

The UPDGO opened the first day of the GAD seminar with their presentation surrounding the concept of gender mainstreaming, where students were further taught about the issue of gender inequality and how their department promotes a gender-equal environment to the campus.

The second day of the GAD seminar was led by representatives of the OASH who defined sexual harassment, presented existing university policies, and cited cases of such issues around the campus. Teacher to student as well as student to student cases of sexual harassment were specified. The students were also taught how to identify if they are being sexually harassed, as well as know what they can do for themselves.

The seminars served as a pre-internship requirement for the students. //by Keio Guzmán