Sa aming mga minamahal na ate at kuya,

Palapit na ang araw na inyong kinasasabikan

Masusulit na ang mga araling pinagpuyatan,

Pati ang bawat gawain at proyektong pinaghirapan

Nais naming ipabatid na ipinagmamalaki namin kayo,

Sa lahat ng inyong dinaanang hirap, pagod at sakripisyo

Saludo kami sa inyong pagsisikap

Para lamang makamit ang inyong mga pangarap

Ngunit sa inyong paglisan sa paaralan,

‘Di maiiwasang malungkot at masaktan.

Ang dating mga ate at kuya na lagi naming kakulitan,

Ngayo’y malalaki na’t handa nang magsipag-alisan.

Mami-miss namin kung paano kayo magsaya,

Mga awit at tugtugan niyo sa corridors kasabay ng gitara,

Mga laro niyo ng ultimate Frisbee tuwing uwian,

Mga trip niyong napakalakas, mami-miss naming ‘yan.

Hinding-hindi namin malilimutan

Ang batch niyong astig at ibang klase.

Para sa mga taong nakasama ko ng 11 taon,

Isa kayo sa aking mga naging inspirasyon.

Nandiyan kayo mula sa pagkahilig ko sa laruan

Hanggang sa paglalaro ng taguan - taguan ng nararamdaman

Salamat sa lahat ng karanasang magaganda

Pati na rin sa mga hindi malilimutang alaala.

Huwag sana tayong magkakalimutan

‘Pagkat ang pagkakaibigan nati'y walang hanggan.

Hindi man tayo magkakasama hanggang pagtanda

Huwag n’yo sanang kakalimutan na tayo'y isang pamilya.

Nagsama-sama sa lungkot at saya.

Dahil ang batch na Akinse, ibang klase talaga.