Showing posts with label gsp. Show all posts

Bagong scouts, itinalaga



BATAS. Nagsisindi ng kandila si Joanne De Castro bilang bahagi ng seremonya. Photo Credit: Geraldine Tingco

Itinalaga ang mga bagong miyebro ng mga samahang scouting ng University of the Philippines Integrated School (UPIS) noong ika-27 ng Oktubre sa UPIS Gymnasium.

Sa hanay ng Girl Scouts ay 27 na bagong Senior GSP, 7 na bagong Junior GSP, at 33 na Cadets mula sa Batch 2020 ang itinalaga. Nagbigay si Dr. Lorina Calingasan ng panimulang bati at nagkaroon ng maikling talakayan tungkol sa samahang scouting. Bilang pagtatapos, nagtalumpati ang Council Representative na si Gng. Marilyn Espedido.


PIRING. Nakapiring na nakapila ang mga Boy Scouts bago dumiretso sa seremonya. Photo Credit: Geraldine Tingco


Samantala, pinangunahan naman ng mga Phoenix, boy leaders, at mga tagapayo ang pagtatalaga sa Senior Boy Scouts kung saan 27 na bagong Senior Scouts at 12 na bagong BSP ang itinalaga. Bilang panimula, si Dr. Lorina Calingasan din ang nagbigay ng paunang bati.

Matapos nito, nagkaroon ang Senior Scouts ng Investiture Camp sa gusali ng UPIS 7-12 na naglalayong mas makilala ng mga bagong kasapi ang samahan ng scouting. //ni Gian Palomeno

Investiture 2016, idinaos



PANUNUMPA. Sabay-sabay na nanumpa sa harap ng mga manonood ang mga Junior at Senior Girl Scouts of the Philippines. Photo credit: Beca Sinchongco

Itinalaga ang bagong scouts ng University of the Philippines Integrated School (UPIS) nitong buwan ng Oktubre sa Bulwagan 3-6.

Ginanap noong Oktubre 7 ang investiture ng Senior Scouts at Boy Scouts of the Philippines (BSP) samantalang noong Oktubre 14 naman ang sa Girl Scouts of the Philippines (GSP).

Dalawampu’t pitong bagong Senior GSP, 26 na bagong Junior GSP, at 16 na Cadets mula sa Batch 2019 ang itinalaga. Anim na troop leaders naman ang nadagdag upang magsilbing gabay ng scouts. Bilang pagwawakas ay nagtalumpati ang GSP Quezon City board member at investing officer na si Gng. Wayawaya Sabia.

SA WAKAS. Nakangiting tagumpay ang mga bagong cadets ng Girl Scouts of the Philippines.
Photo credit: Anne Therese Papa

“Masaya ako kasi first time at medyo excited ako sa mga mangyayari. Ineexpect ko po na maganda ang place ng camping at masaya,”pagbabahagi tungkol sa gawain ni Jhia Bartolome na isang bagong GSP.

Samantala, pinangunahan naman ng mga Phoenix, boy leaders, at tagapayo ang pagtatalaga ng Senior at Boy Scouts kung saan 30 bagong Senior Scouts at 21 bagong BSP ang itinalaga. Si G. James Timothy Liwag ng UPIS Batch 2012 ang panauhing pandangal. Isa siya sa mga Eagle Scouts ng UPIS, ang pinakamataas na ranggong maaaring makamit ng isang estudyante sa BSP. Bilang panimulang pagbati naman ay nagtalumpati si Dr. Ronaldo San Jose. Binigyang tuon niya ang mga bagay na dapat taglayin at pagtibayin ng mga Senior at Boy Scouts.

LAGING HANDA. Sama-samang sinalubong ng Senior Scouts at Boy Scouts ang mga bago nitong miyembro.
Photo credit: Hanzvic Dellomas

Matapos ang kanilang seremonya, nagkaroon ang Senior Scouts at BSP ng Investiture Camp sa gusali ng 7-12. Nilayon nitong patatagin ang ugnayan sa pagitan ng scouts. // nina Hanzvic Dellomas at Beca Sinchongco

UPIS scouts 'survive' Annual Camps 2016

The UPIS senior Boy Scouts (BSP) and Girl Scouts (GSP) enhanced their survival skills in their respective annual camps held last January 21-24.

LAGING HANDA. UPIS Senior scouts pose for a picture with the Philippine Army Disaster Response Team
after a simulation exercise during their Urban Survival Camp last January 21-21. JOHN FAJUTAGANA

Senior BSP trained with the 51st engineer brigade at Camp Atienza in Libis, Quezon City while the GSP honed their skills at the Sun Moon Beach Resort in Bagac, Bataan. Sixty eight senior boy scouts and 103 junior and senior girl scouts attended the annual camps.

CASTAWAY. The UPIS GSP await the beginning of their campfire, one of the most awaited activities
during their Annual Camp at the Sun Moon Beach Resort in Bagac, Bataan last January 21-24. LYKA LUBANG

They were taught different skills to aid survival in their respective environment such as disaster response for the BSP and island survival for the GSP. Activities including a disaster simulation that required the scouts to apply their newly acquired skills were also given. / by Raymund Creencia, Rachel Siringan

UPIS GSP, matagumpay na nagdaos ng Annual Camp

Matagumpay na naisagawa ng UPIS Girl Scouts of the Philippines ang kanilang Annual Camp noong Pebrero 19-22, 2015 sa Camp Capinpin, Tanay Rizal.

Sinalubong ang mga scouts ng isang Seremonya ng Pagpaparangal sa mga Bisita , pagpapakitang gilas ng Jungle Fighters Marching Band at isang rifle and defense demonstration.
Sa loob ng tatlong araw, isinagawa ng mga cadets ang kanilang mga inihandang gawain para sa mga scouts tulad ng Patrol Team Building, Batch Team Building, Overall Sensitivity Test (OST), Bravery Test, at ang Mr. and Ms. GSP.

Mayroon ding mga inihandang aktibidad ang kasundaluhan para sa mga scouts tulad ng Rope Course, Obstacle Course, Rappelling, at Zipline.

Natapos ang camp sa isang awarding ceremony. Nakuha ng Batch 2018 (2x9) ang ilan sa mga individual awards katulad ng “Sensei Award” ni Urielle Lilang bilang Best Patrol Leader dahil sa determinasyong ipinamalas niya sa mga patrol activities. Kasama ring nakuha ng 2x9 ang Best Batch Award dahil sa matataas na puntos nila sa Batch Team Building Activities. At nakamit naman ng 2020 ang Most Improved Batch award dahil naipakita nila ang kanilang kakayanang makipagsabayan sa mga gawain sa iba pang batch kumpara sa ipinamalas nila noong nakaraang Camporee. / sa ulat nina Camille Lita, Nicole Rabang, at Aina Ramolete

4-day camporee matagumpay na inilunsad ng GSP at BSP

Inilunsad muli ang taunang camporee ng mga Senior Boy Scouts at Senior Girl Scouts noong Oktubre 17-20 sa UPIS.
Photo credit: Mai Arciga, Arienne Baladad


Sinimulan na noong Oktubre 17 ang iba’t ibang gawain na inihanda ng dalawang nabanggit na organisasyon. At noong Oktubre 18 ay pormal itong binuksan sa isang Joint Flag Ceremony na pinangunahan naman ni Dr. Ronaldo San Jose at ng mga tagapayo ng GSP at BSP. Kasama rin sa nabanggit na okasyon ang pamunuan ng Kabalikat sa pangunguna ni Sir Rene Rollon. Kasabay nito, pinarangalan rin ang mga nahirang na Huwarang Scouts noong AY 2013-2014. Sina Ruth T. Siringan ang pinarangalan bilang Huwang Scout para sa Senior Girl Scout at JC Lorenzo naman para sa Senoir Boy Scout.

Ilan sa mga gawain na pinakaabangan sa taong ito ay ang Amazing Race na pinaghandaan ng mga miyembro ng BSP at GSP. Nasukat rito ang lakas ng pangangatawan at pag-iisip ng mga scouts gayondin ang kanilang teamwork. Pinakainabangan din ang Socials na isa sa mga joint activity ng BSP ay GSP. Naghanda ng mga palaro ang pamunuan ng bawat organisasyon. Matapos nito ay sumunod naman ang pinakahihintay ng lahat na sayawan.

Bilang pangwakas na programa, magkahiwalay na nagdaos ng awarding ceremony ang BSP at GSP na ginanap sa huling araw ng camping. Itinanghal na Best Camper si Basti Regala para BSP at Dana Sumalabe naman sa GSP. / nina Trisha Serrano at Juneau Villanueva

Pagtatalaga sa Senior Girl Scouts, muling isinagawa

Ang taunang pagtatalaga ng mga bagong Senior Girl Scouts ay ginanap noong Setyembre 27, 2013 ika-5 ng hapon sa Multipurpose Hall.

Nagsimula ang programa sa pambungad na salita ni Dr. Ronaldo M. San Jose. Kung saan nabanggit niya ang tumataas na dami ng mga mag-aaral na sumasali sa scouting.

Isa-isang sinindihan ng mga troop at patrol leader ang mga kandila na sumisimbolo sa mga pangako at batas ng Girl Scouts.

Matapos sindihan ang mga kandila, itinalaga ang mga bagong kasapi ng Senior Scouts. Tinatayang 75 Senior Scouts at 33 Cadets ang itinalaga sa taong ito.

Tinapos ang pagtitipon sa pangwakas na pananalita ni Dr. Rene Rollon, ang Chair Person ng UPIS Institutional Scouting Committee. / ni Donna Roces

Stars and Juniors hold annual investiture

The UPIS Star Scouts and Junior Girl Scouts held their annual investiture ceremonies last Sept. 24 at the Multi-Purpose Hall.

The Stars from Grades 1-3 had a joint investiture led by troop leaders Ms. Angela Macaraeg and Ms. Sharon Aguila. Later in the afternoon, the Juniors led by Ms. Glaiza Cruz invested 11 new scouts and rededicated more than 50 former junior girl scouts.


Both programs were opened by Dr. Ronaldo San Jose, UPIS principal. In her message, the guest speaker, Mrs. Estela Gonzales from the GSP Council, commended the UPIS scouts for their dedication and encouraged them to be continue being active in scouting activities.


All in all, six new parent and troop leaders were invested in both Star and Junior Scouts namely Bernadette Angeles, Christie Manantab, Suzanne Licuanan, Mary Justine Amonoy, Helanay Ariola and Patricia Santos. ● by Rya Ducusin and Joanna Pagulayan

Bagong Senior GSP, itinalaga

Ginanap noong Setyembre 7 sa Multi-purpose Hall ang taunang Investiture ng UPIS Girl Scouts of the Philippines.

Ang mga bagong itatalagang Senior GSP sa kanilang Investiture
Ceremony noong Setyembre 7. (c) Camille Babaran
Nagsimula ang programa sa pagpasok ng GSP sa Hall kasabay ng pag-awit ng GSP hymn.

Nagbigay ng paunang salita ang prinsipal na si Prop. Ronaldo M. San Jose.

“Ang scouting ang isa sa pinakamatagumpay na organisasyon hindi lang sa UPIS, kung hindi pati sa buong bansa,” aniya.

Isa-isang sinindihan ng mga troop at patrol leaders ang mga kandila na sumisimbolo sa mga pangako at batas ng Girl Scouts.

Matapos sindihan ang mga kandila, itinalaga ang mga bagong kasapi ng Senior Scouts mula sa Grado 7 at Cadets – 6 mula sa Molave, 5 sa Kamagong at 4 sa Dao.

Sumailalim naman sa muling pagtatalaga ang mga miyembro ng GSP mula sa Grado 8 at 9.

Bilang pagtatapos, nagbigay ng pagbati at papuri ang Commissioner on Training na si Bb. Ildefonsa M. Benig. ● nina Camille Babaran, Rya Ducusin, at Hannah Garay

SPLT, isinagawa muli

Kaye Banaag, Jomil Gutierrez

Nagkaroon ng Senior Patrol Leadership Training (SPLT) ang UPIS Senior Girl Scouts of the Philippines (GSP) noong Oktubre 21-24 sa UPIS 7-10 Grounds.

Nilalayon ng camping na ito na mahubog at masanay ang mga iskawts sa kanilang iba't-ibang talento at kakayahan sa pagiging lider, makabayan, malikhain at kung anu-ano pa.

Nagkaroon ng maraming gawain ang Senior GSP tulad ng Bravery Test, Palarong Pinoy, Cook Out at iba pa.
Amazing Race| Photo courtesy of Patricia Nery


May mga aktibidad din na isinagawa ang Senior BSP at Senior GSP na magkasama tulad ng Amazing Race kung saan mas nasubok ang kanilang mga mental, pisikal, at emosyonal na kakayahan. Sumunod ang Camp Fire kung saan naipakita ang pagkamalikhain ng mga iskawts pagdating sa pag-arte, at sa Socials na siyang nagbigay ng pagkakataong mas magkakilala ang mga Senior BSP at Senior GSP.

Kasabay din ng camping ng Senior GSP, nagkaroon din ng camping ang lahat ng yunit ng iskawting sa buong UPIS mula sa mga Kab Scout at Star Scout hanggang nga sa mga Senior Girl Scout at Senior Boy Scout.

Bagong girl scouts, itinalaga

Anna Angala, Kaye Banaag

Ginanap ang taunang investiture ng Girl Scouts of the Philippines ng UPIS sa Multi-Purpose Hall noong nakaraang Setyembre 9 kung saan itinalaga ang mga bagong senior scouts at bagong cadets habang ni-rededicate naman ang ibang scouts.

Nagbigay ng pambungad na pananalita si Dr. Ronaldo San Jose, ang prinsipal, at si Ma’am Lady Soledad Reodica na mula sa GSP Quezon City council tungkol sa tamang pagsasapuso ng pagiging isang scout .

Iba't ibang gawain sa team building ng Cadets 2012.
Matapos ang seremonya, nagkaroon ng isang team building activity ang mga cadet. Pinangunahan ito ni Ms. Karen Panol mula sa Eduk Inc.

Layunin ng team building na mabuo ang pagkakaisa at pagtutulungan sa bawat miyembro ng organisasyon. Kabilang din sa kanilang tungkulin ang pagpaplano at pagtatakda ng mga aktibidades para sa nalalapit na Senior Patrol Leadership Training (SPLT).

Ginanap naman ang investiture ng Junior Girl Scouts at Star Scouts noong Setyembre 12 sa Bulwagan. Bukod sa mga bagong scouts, itinalaga rin dito ang mga kasapi ng UPIS Junior GSP Patrol Committee na binubuo ng mga magulang at troop leader at pamumunuan ni Gng. Angelie Domingo.

Magkakaroon ng Patrol Leaders' Day Camp ang mga Junior Girl Scouts sa Oktubre 1. (CC)
Subscribe to: Posts (Atom)