Showing posts with label juneau villanueva. Show all posts

4-day camporee matagumpay na inilunsad ng GSP at BSP

Inilunsad muli ang taunang camporee ng mga Senior Boy Scouts at Senior Girl Scouts noong Oktubre 17-20 sa UPIS.
Photo credit: Mai Arciga, Arienne Baladad


Sinimulan na noong Oktubre 17 ang iba’t ibang gawain na inihanda ng dalawang nabanggit na organisasyon. At noong Oktubre 18 ay pormal itong binuksan sa isang Joint Flag Ceremony na pinangunahan naman ni Dr. Ronaldo San Jose at ng mga tagapayo ng GSP at BSP. Kasama rin sa nabanggit na okasyon ang pamunuan ng Kabalikat sa pangunguna ni Sir Rene Rollon. Kasabay nito, pinarangalan rin ang mga nahirang na Huwarang Scouts noong AY 2013-2014. Sina Ruth T. Siringan ang pinarangalan bilang Huwang Scout para sa Senior Girl Scout at JC Lorenzo naman para sa Senoir Boy Scout.

Ilan sa mga gawain na pinakaabangan sa taong ito ay ang Amazing Race na pinaghandaan ng mga miyembro ng BSP at GSP. Nasukat rito ang lakas ng pangangatawan at pag-iisip ng mga scouts gayondin ang kanilang teamwork. Pinakainabangan din ang Socials na isa sa mga joint activity ng BSP ay GSP. Naghanda ng mga palaro ang pamunuan ng bawat organisasyon. Matapos nito ay sumunod naman ang pinakahihintay ng lahat na sayawan.

Bilang pangwakas na programa, magkahiwalay na nagdaos ng awarding ceremony ang BSP at GSP na ginanap sa huling araw ng camping. Itinanghal na Best Camper si Basti Regala para BSP at Dana Sumalabe naman sa GSP. / nina Trisha Serrano at Juneau Villanueva

Izportz: KaLAUANg, waging wagi sa Ultimate Interclass 2014 Day 1

Inararo ng kaLAUANg ang Acacia 69 at Momol Ave sa unang araw ng Ultimate Interclass 2014.

Lumamang agad ng malaki, 6-0, ang koponan ng kaLAUANg sa pangunguna nina Daniel Viliran at MVP-for-a-day Ainsley Magluyan. Hindi naman nagpahuli ang Acacia 69 sa tulong ng paghahabol ng kanilang all-star varsity players na sina Rafael De Peralta at Carlo “Pogi” Gaco. Ngunit nanalo pa rin sa unang laro ang kaLAUANg, 8-4.

Sa ikalawang laro, binalewala ang unang dalawang puntos ng Momol Ave laban sa Acacia 69 sapagkat bigla na lamang naglaho si Ma’am Deciniv dela Cruz, referee ng paligsahan. Muling sinimulan ito nang makabalik na ang official.

Unang nakapuntos ang Acacia 69 dahil kay Greg “Skeleton” Octa at lamang sila sa halftime sa iskor na 4-2. Bumawi naman ang Momol Ave sa huling labinlimang minuto dahil sa poging-poging laro nina Angel Lopez at Burt Madrigal na nanguna sa kanilang 7-0 run. Nagwagi ang Momol Ave sa iskor na 10-6.

Sa huling laro, ginamit ng kaLAUANg ang matinding opensa at galing sa pagpasa upang paulanan ng sunod-sunod na puntos ang Momol Ave sa unang kalahati ng laban kung saan lumamang sila sa iskor na 4-2. Hindi naman nagpahuli ang Momol Ave at tinapatan ang kalaban ng matinding depensa para mag-overtime sa score na 5-all.

Ngunit lumabas muli ang pagka-powerhouse ng kaLAUANg sa limang minutong overtime kaya sila pa rin ang nagwagi sa iskor na 7-5.

Tapos na rin ang Day 2 ng Ultimate Interclass ngunit walang naisulat na balita tungkol doon. Hindi pa tapos ang Day 3 pero baka hindi na rin mabalita. / nina Jenn Elona at Juneau Villanueva

Zumba Part 2, muling sinuportahan ng UPIS Community

Muling dinaluhan ng kaguruan, magulang at mga estudyante ang Zumba Part 2 ng UPIS Varsity Swimming Team noong Biyernes, Agosto 22, 2014 sa College of Social Welfare and Community Development, UP Diliman.

Bukod sa sayawan, nagkaroon rin ng raffle na pinamunuan ng UPIS Varsity Swimming Team kung saan namigay sila ng mga neon towels para sa mga nakilahok.

Bagamat mas marami ang dumalo sa Zumba Part 1, naging masaya at makabuluhan rin ang ikalawang Zumba activity ng kuponan. Naging masaya at produktibo ang programa dahil na rin sa magandang adhikain ng mga ito. Liban dito, ito rin ang nagsilbing fund raising activity ng UPIS Swimming Team upang makalikom pondo na inilalaan naman nila sa kanilang mga darating na laban sa UAAP.

Naki-indak at sumuporta rin sa fundraising activity na ito ang UP College Swimming Team.
Sasabak sa UAAP Season ’77 ang UPIS Swimming Team sa ika-2 hanggang ika-5 ng Setyembre 2014. / nina Trisha Serrano at Juneau Villanueva

Mga mag-aaral at guro nakiindak sa Zumba with the Swimmers

Ginananap ang fundraising event ng UPIS Swimming Team na “Zumba with the Swimmers” noong Hulyo 25, 2014 sa UP CSWCD.
Photo credit: Juneau Villanueva

Ito ang kauna-unahang pagkakataong naisagawa ang ganitong uri ng fundraising event. Nakilahok sa Zumba ang ilan sa mga guro at staff ng UPIS, mga estudyante, at maging ang UP College Swim Team. Nagkaroon din ng raffle kung saan maaaring Manalo ng neon shirt at iba pa.

Gagamitin ang perang nakuha upang makatulong sa gastusin sa darating na UAAP sa Trace College, Los Banos sa Setyembre 18-22.

Dahil sa pagkakaroon ng magandang feedback mula sa lahat ng sumali, nagpaplano muli ang Swimming Team na magkaroon ng Zumba Party na gaganapin naman sa huling linggo ng Agosto. / ni Juneau Villanueva

UPIS Swimming Team, nag-uwi ng 44 na medalya

Tinanggap ni Pricila Aquino ang tropeo
bilang Most Outstanding Swimmer mula kay
dating Senador Nikki Coseteng.
(c) Catherine Lorbes
Nagkamit ng 21 gold, 7 silver, at 16 bronze medals ang UPIS Swimming Team sa ginanap na Philippine Swimming League (PSL) noong Hunyo 28-29 sa Rizal Memorial Sports Complex.

Itinanghal bilang “Most Outstanding Swimmer” para sa kani-kanilang age brackets sina Cha Esmero, Cheska Joves, at Pricila Aquino. Nakakuha si Esmero ng limang gold, dalawang silver, at dalawang bronze medal. Si Joves naman ay may dalawang gold, dalawang silver, at dalawang bronze habang si Aquino ay may pitong gold at isang silver medal.

Nakuha naman ni Drew Magbag ang bagong PSL record para sa 100m breaststroke at 50m breaststroke.

Sumali rin sa kompetisyon sina Juneau Villanueva, Ryan Dimayuga, Ernest Arceo, JB Cuachin, Mary Llorente, Suzy Uy, Carl Condalor, Michael Tee, Glenn Anicoche, John Fajutagana, Joanne de Castro, Mae Rodgers, Owen Bernos, Jasmine Esguerra, Lucille Silvestre, Ria Amano, Angel Dizon, Kennard Bondal, Antonio Aquino, Samnel Gaa, Keio Guzman, Mark Camanian, Kevin Berina, Cynil Tecson at iba pang elementary swimmers.

Napili namang kinatawan ng UPIS sina Esmero, Joves, at Aquino sa gaganaping swimming competition sa Singapore sa darating na Agosto 2 at 3. / ni Juneau Villanueva

Kuha ni Catherine Lorbes
Subscribe to: Posts (Atom)