“Gusto mo bang magkasakit?”

Dadalhin ako sa nakahandang hapag
Papipiliin kung Milo ba o gatas
Paaalalahanan akong bilisang ngumuya at huwag tumunganga
“Baka naman kahit online class ma-late ka pa,” pangangantiyaw niya

Dahil sa dami ng paalala
Parang gusto ko nang tumanda
at mabuhay mag-isa
Para wala nang problemahin pa

“High school life oh my high school life…”

Bago umuwi si Inay dapat malinis na ang bahay
Dapat nakapagwalis na
at nakasaing pa
Kundi high blood na naman siya

Utos ni Inay na walang kapantay
“Kunin mo yon, hugasan mo yan!”
Sabay sabing “Ma, mamaya na!”
Lagi mong ayusin ang ayong tinulugan
Kunin mo ang iyong damit at isampay

Nang tumibok ang aking puso
nagalit si Inay at ako’y pinalo
Pinaalalahanan niya ako
“Di ba sabi ko pagkatapos na sa kolehiyo”

Wala pang diplomang naiuuwi
Ngunit utos niya’y isinantabi
Pero imbis na siya’y magalit, niyakap ako buong gabi
Nang puso ay wasakin ni Javi

Sa dami ng utos at panuntunan,
Parang gusto ko nang tumanda
At mabuhay mag-isa
Para wala nang problemahin pa

“Umuwi ka na baby…”

Sa araw ng pagtatapos naghanda na muling magsimula,
Naghihintay pa ng mga email, baka may hahabol pa
Ting! Tumunog ang telepono, “Mama!”
Dali-daling kinuha ang laptop at nagsiksikan sa isang upuan dahil sa kaba

Nang puso ni ina’y kumalma,
Nagsimula na kaming magbasa
“Congratulations, welcome to…”
Hindi na natapos basahin ang liham
Dahil sa kakatalon, kahihiyaw, at ‘di maubos-ubos na luha

Naghanap na kaagad ng malilipatan,
Sunod-sunod na crash course tungkol sa kuryente, tubig
at paghingi ng tawad sa pamilihan,
Inabutan ako ng pera para sa upa at mahigpit na niyakap
Pagkatapak sa bagong bahay, ako’y biglang natauhan

Lilipas ang mga araw na walang kasama,
Babalutin ng katahimikan pati ang aking umaga
Sapagkat ang ibo’y lumipad na mula sa pugad,
Ang dating pinakaaasam, nagiging bangungot nang nais takasan

“Ayokong tumanda…”

Sigurado na ba akong gusto kong tumanda?
Pakiramdam ko’y gusto ko pa ring maging bata
Dahil sa aruga ng aking ina
na hinding hindi mapapantayan ng iba

Lubos ko nang naintindihan
ang mga payo at bilin ni Inay
dahil bandang huli hinahanap-hanap
ko ang mainit niyang yakap

Hindi na ako naniniwala sa Itchyworms
Na gusto ko nang tumanda
Mas naniniwala na ako sa kanta ni Daniel Padilla
na gusto ko na siyang kasamang tumanda.

Palagi nating nakakasama
Ate, Kuya, Bunso, Mama, Papa
Pati na rin sina Lolo at Lola
Huwag ding kalilimutan sina Tito at Tita
Magkakasama sa lungkot at ligaya
Ehemplo ang bawat isa

Palaging inuuwian,
pinagsisilbihan,
minamahal,
at pinagkakatiwalaan

Ilaw ng tahanan
Mama, Mommy, Nanay, Inay
Nagpapaliwanag sa ating buhay
Lagi sa ati’y gumagabay

Haligi ng tahanan
Papa, Daddy, Tatay, Itay
Makakapitan sa anomang problema
Poprotektahan tayo kailanman

Kuya, Ate, Bunso
Kasama natin sa kakulitan
Hinding-hindi tayo pababayaan
Maaasahan natin kahit kailan

Lolo at Lola
Pinakamatanda sa pamilya
Gumagabay sa apo pati na rin kina Mama at Papa
Aalagaan tayo sa abot ng kanilang makakaya

Tito at Tita
Minsa’y takbuhan kapag napapagalitan
Maaasahan natin kahit saan
Iba ring magpakita ng pagmamahal

Hindi lang sila ang ating inuuwian
Pati na rin ang aso’t pusa sa tahanan
Stress reliever kumbaga
Pero para sa iba’y parte sila ng pamilya

Sila ang ating inuuwian
Mamahalin tayo nang labis
Hinding-hindi tayo iiwan
Kaya naman sa aking puso
Mananatili sila, magpakailanman

May mga basehan ako sa kaligayahan

Mahirap nga lang ilahad ang kabuuan

Pero para sa akin ito’y nararapat

At akin itong pinaniniwalaan

Na hindi magbabago kailanman

Buo ang aking mga mahal sa buhay

Sa hirap man o ginhawa

Dumadaan man sa pagsubok at kahinaan

Hinding-hindi kami maghihiwalay

Kahit pa kami’y magkatampuhan

Pangarap na nais kong makamtan

Makapagtapos ng aking pag-aaral

Paglingkuran ang aking bayan

Aking panalangin sa Maykapal

Malagpasan ang mga hamon ng buhay

Mamuhay nang masaya’t makulay

Makita ang mga ngiti sa labi ng aking magulang

Walang labis, walang kulang

Para sa akin ito ang ilang basehan

Pero para sa iyo iba ang posibleng dahilan

Kapwa di natin pwedeng husgahan

Magkakaibang basehan ng kaligayahan

Kalayaan, mabigat na salita,

Magaan sa damdamin,

Tunay, maraming ibig sabihin

Maraming maaring tukuyin

Ngunit ano ito sa akin?

Pagkawala sa kulungan

Na pumigil sa kagustuhan,

Pagkawala sa mga posas,

Ang pagtanaw ng bagong bukas

Paggawa ng walang pagpapaalam,

Walang kailangang permiso

Pagkilos na ayon sa sigaw ng puso

Kumportableng paggalaw ng katawan

Walang dumidikta sa mga gawa ko

Kalayaan, kay sarap tamuhin

Napakahirap namang kamtin

'Pagkat marami ang nakahahadlang

Ibang tao man o sarili

Iyan ang aking kalayaan.

Naliwanagan na ba ang kaisipan?