Showing posts with label trisha serrano. Show all posts

4-day camporee matagumpay na inilunsad ng GSP at BSP

Inilunsad muli ang taunang camporee ng mga Senior Boy Scouts at Senior Girl Scouts noong Oktubre 17-20 sa UPIS.
Photo credit: Mai Arciga, Arienne Baladad


Sinimulan na noong Oktubre 17 ang iba’t ibang gawain na inihanda ng dalawang nabanggit na organisasyon. At noong Oktubre 18 ay pormal itong binuksan sa isang Joint Flag Ceremony na pinangunahan naman ni Dr. Ronaldo San Jose at ng mga tagapayo ng GSP at BSP. Kasama rin sa nabanggit na okasyon ang pamunuan ng Kabalikat sa pangunguna ni Sir Rene Rollon. Kasabay nito, pinarangalan rin ang mga nahirang na Huwarang Scouts noong AY 2013-2014. Sina Ruth T. Siringan ang pinarangalan bilang Huwang Scout para sa Senior Girl Scout at JC Lorenzo naman para sa Senoir Boy Scout.

Ilan sa mga gawain na pinakaabangan sa taong ito ay ang Amazing Race na pinaghandaan ng mga miyembro ng BSP at GSP. Nasukat rito ang lakas ng pangangatawan at pag-iisip ng mga scouts gayondin ang kanilang teamwork. Pinakainabangan din ang Socials na isa sa mga joint activity ng BSP ay GSP. Naghanda ng mga palaro ang pamunuan ng bawat organisasyon. Matapos nito ay sumunod naman ang pinakahihintay ng lahat na sayawan.

Bilang pangwakas na programa, magkahiwalay na nagdaos ng awarding ceremony ang BSP at GSP na ginanap sa huling araw ng camping. Itinanghal na Best Camper si Basti Regala para BSP at Dana Sumalabe naman sa GSP. / nina Trisha Serrano at Juneau Villanueva

MC Expose: Mga Hapon, nagkalat

Dumating noong Agosto 1, 2014 sa UPIS ang 20 exchange student mula Japan. Sila ay nanatili dito ng isang araw kasama ang mga estudyante ng UPIS. Sila ay malugod na tinanggap ng mga taga-UPIS at naging masaya sa saglit nilang pananatili.

Ngayon na ang mga delegado naman ng UPIS ang ipinadala sa Japan, kumalat ang balita na may ilang estudyante mula sa Japan ang naiwan. Hindi ito napansin ng ibang mga exchange students dahil sa kanilang ninja moves kaya nakatakas sila at nanatili rito. May ilan naman sa kanila ang di umano’y nakalimot na oras na para bumalik sa Japan. Sila ngayon ay nakakasama pa natin sa loob ng UPIS at ang ilan ay naging ating kaklase nang hindi natin nalalaman.

“Weh? Nakaalis na pala sila? Bakit may nakita yata ako na kumakain sa canteen? Pawis na pawis pa dahil mukhang kakatapos lang maglaro. Sino ba ‘yun?” ani Noraiza habang sarap na sarap na kumakain ng siomai at sakto coke sa canteen.

Tulad namin, siya’y takang-taka sa kababalaghang ito. Pinatunayan din ito ng isa pang estudyante na nagngangalang Gaea. Namataan daw niya ang isang Haponesa na nagmamadaling umuwi. Umuwi nga ba o nagmamadali para sa kanyang flight?

“Oo nga eh, nakita ko nga ‘yan kanina pa. Hindi mapakali, nagmamadaling umalis. Nakalimutan niya nga siguro ang flight niya kahapon!“ sabi ni Gaea na bumubungisngis pa.

Hindi lang mga estudyante ang naging takas. Maging ang isang guro na kasama ng mga estudyante ay umeskapo rin. Siya raw ang mastermind ng lahat ng ito. Nagtuturo ang gurong ito sa isang departamento at hindi man lang ito napansin ng mga estudyante at kapwa mga guro. Napag-alaman pa ng mga estudyante na marunong itong magsalita ng Hapon. Namataan siya na nakikipag-usap sa iba pa niyang kapwa guro.

Nakapanayam naming ang isa sa mga estudyante niya na itatago natin sa pangalang Kristel.
“Siya ba ‘yun? Omg. Grabe naman. Sabi niya sa klase cosplayer daw siya at nakakaintindi siya ng ilang mga salitang Hapones na sinasabi ng kaklase kong si Greg na mahilig sa amin. Grabe naiwan din pala ‘yun! Haist!” sabi ni Kristel.

Kung may mga reaksyon man ang mga estudyante, ito ay wala na silang pakielam kung nangyayari tito. Sa halip, tuwang tuwa nga sila dahil hindi nila akalaing makakasama nila ang mga ito. Sa katunayan, lahat sila’y naging palakaibigan. Sayang nga lang daw at hindi naiwan si Kotaro… ang napakasayang si Kotaro…

Ngunit may natanggap din kaming balita na kahit si Kotaro ay naiwan. Siya’y nasa Grado 7 ngayon. Hindi namin siya nakapanayam dahil napag-alaman pa namin na siya ay sumali bilang swimmer ng UPIS at naghahanda para sa UAAP ng Swimming Team. / nina Trisha Serrano at Jediael Neri

Feature: TriNorma sa Elem, Now Open

Simula nang lumipat ang UPIS sa bago nitong tahanan, marami na ang naging pagbabago. Isa na rito ang pagkwala ni Aling Norms sa piling ng mga high school students. Ang nag-iisang si Aling Norms. Kilala siya bilang isang nanay o lola sa paaralan at nagtitinda ng mga abot kayang bilihin. Ang siomai, graham balls, Stick-O, at mani na talaga naman pantawid gutom ng mga estudyante. Sa pagkawalay ni Aling Norms sa mga high school students, ang totoo, di niya mapigilang maulila sa mga ito.

“Masaya doon!” ang komento ni Aling Norms sa kanyang naging karanasan kasama ang mga high school students sa kanyang dating pwesto sa Pagoda.

Naninibago pa rin daw siya sa mga Elem dahil rin sa kanyang bagong pwesto pati na rin sa pakikitungo ng mga bata sa kanya. Mas magulo daw doon kumpara sa high school pero mayroon din namang mga batang nagmamano sa kanya sa tuwing mapapadaaan ang mga ito sa kanyang pwesto o kaya naman ay bago bumili sa kanya. Naging bago man ang pakiramdam ni Aling Norms sa bago nitong lugar, kalaunan ay nakapag-adjust na naman siya at naging palagay na ang kanyang loob sa bagong kapaligiran ng Elem.

Kung bibigyan siya ng pagkakataong magapalit ng trabaho, hindi niya pa rin pipipliing palitan ang kanyang kasalukuyang hanapbuhay dahil dito na raw siya tumanda at hangga’t hindi pa siya nagsasawa ay ipagpapatuloy niya ang gawaing ito.

“Hindi mabibili ng ginto’t pilak ang pagsasamahan.” Ito ang dahilang ibinigay niya kung bakit hinid niya ipagpapalit ang kanyang hanapbuhay at napakahirap din sa kanyang iwan ang mga batang napamahal sa kanya.

Pagmamalasakit, pagmamahal, at magandang samahan ang ilang dahilan kung bakit siya naging malapit at nananatiling malapit sa mga estudyante, na itinuturing din niyang mga anak at apo.

Sa tinagal tagal ng panahon, naging parte na ng kultura at kasaysayan ng UPIS si Aling Norms kaya saanman siya mapuntam mananatili siya sa ating mga puso. Magdaan man ang maraming bagyo, si Aling Norms ay nag-iisa lamang. / ni Noelle Lumbre, sa ulat nina Jenn Elona, Trisha Serrano, at Jediael Neri

Zumba Part 2, muling sinuportahan ng UPIS Community

Muling dinaluhan ng kaguruan, magulang at mga estudyante ang Zumba Part 2 ng UPIS Varsity Swimming Team noong Biyernes, Agosto 22, 2014 sa College of Social Welfare and Community Development, UP Diliman.

Bukod sa sayawan, nagkaroon rin ng raffle na pinamunuan ng UPIS Varsity Swimming Team kung saan namigay sila ng mga neon towels para sa mga nakilahok.

Bagamat mas marami ang dumalo sa Zumba Part 1, naging masaya at makabuluhan rin ang ikalawang Zumba activity ng kuponan. Naging masaya at produktibo ang programa dahil na rin sa magandang adhikain ng mga ito. Liban dito, ito rin ang nagsilbing fund raising activity ng UPIS Swimming Team upang makalikom pondo na inilalaan naman nila sa kanilang mga darating na laban sa UAAP.

Naki-indak at sumuporta rin sa fundraising activity na ito ang UP College Swimming Team.
Sasabak sa UAAP Season ’77 ang UPIS Swimming Team sa ika-2 hanggang ika-5 ng Setyembre 2014. / nina Trisha Serrano at Juneau Villanueva

Feature: A New Prayer for the Prayer

"The Prayer" in its new home at the UPIS 7-12 Building.
Photo credit: Jediael Neri
Created as an honored piece of art, The Prayer is a sculpture created by an alumnus of UP Prep and famous sculptor Ildefonso Marcelo to share his God-given talent on sculpting. It has been marveled by students and faculty who have seen the significance of the sculpture and the its purpose: to send out a prayer to God asking for the strength as it faces the struggles and problems this world has to offer.

Sadly, his prayer for strength of will, mind, and emotion was an image changed by the students who have not seen its true value. Its one arm has been broken and left neglected on one side. The sculpture has been sat upon and vandalized by graffiti of students past. Bags and portfolios placed on it hinder  its true purpose. The name has been changed to Rockman and it has been used ever since.

Students see it now as a dull rock sculpture of no significance. But if ever it comes alive and sees what has been done to him, will he want to stay that way? Will he blame us for doing the disgraces we have done?

Various writers have written articles that persuade us to see that its not just a piece of rock to create nonsense stories about it or make fun of it as a landscape design for the school. We can instill in the minds of the new generation of students that the statue deserves not just the respect but also the honor it once had. It’s not just a simple rock structure that we can ignore; it's a symbol of honor and excellence like a kneeling Oblation instilled in the legacy of UPIS. / by Jediael Neri and Trisha Serrano

Mga clubs, nagpakitang gilas sa flag ceremony

Idinaos ang kauna-unahang club assembly noong Martes, Hunyo 17, 2014 sa pangunguna ng Kamag-aral 7-10.

Layunin ng bawat club na itampok ang mga talento ng estudyante at mahubog ang kanilang mga kakayahan sa iba’t ibang larangan.

Naghanda ang bawat club ng maikli at kawili-wiling presentasyon. lubos na hinangaan ang presentasyon ng BSP, GSP, Choir, at Peer. Pag-awit naman ang ginawa ng Choir at Peer, iskit para sa BSP, at advertisement para naman sa GSP. Nagtanghal din ang KAP, Sangguniang Pangwika, ISCF, at UPISCCA.

Ang Scouting, ISCF, at UPISCCA ay nagtitipon tuwing ikalawa at ikaapat na Huwebes samantalang tuwing una at ikatlong Huwebes naman para sa FHC, Peer, Math Club, English Club, Sangguniang Pangwika at Choir.

Kinakailangan na magkaroon ng isang club ang bawat estudyante kasama na rito ang Year Level Organization. / nina Jediael Neri at Trisha Serrano
Subscribe to: Posts (Atom)