filipino,

Literary (Submission): Mane Thecel Phares

5/12/2017 08:59:00 PM Media Center 0 Comments

Mga kapatid, ako ay hahakbang
patungo sa kasarinlang sa aki’y nag-aabang
inilalathala ko ito para sa’yo, natatangi kong kaibigang
kay ligalig, hibang
Ang bawat pantig ng mga salita’y may sakit
ang bawat imahe ko sa’yo’y mababalutan ng anino
isa kang maling daan na aking tinungo
kikilalanin bilang “tanyag na tagawasak ng puso”
Ngunit ako’y nagpapasalamat sa lahat ng iyong inihandog
sapagkat sa isipan, mga alala mo’y patuloy na bubulabog
Lungkot sa damdamin
Ang sakit, parang sasabog
pira-piraso na lamang ang natitira

Patuloy mong dinudurog
Maraming salamat at nakasama ka
malas nga lang at ang samahan natin’y biglaang nasira
ibinibigay ko na ang aking mga pinakahuling salita
Impyerno pala ang nag-abot sa akin ng biyaya
Sana maging maligaya ka sa iyong tinahak na daan
sapagkat ako’y nagdesisyon na ring wag nang balikan
ang nakagisnan nating masayang pagkakaibigan
binabati kita, isa ka nang relikaryo ng aking nakaraan