filipino,

Literary: Sayang

5/12/2017 08:18:00 PM Media Center 0 Comments

Nakamamangha
Kung paanong ang dalawang tao`y pinaglalapit ng tadhana
Sa hindi inaasahang panahon, dalawang landas ay pinagtatagpo.
At ang Pakiramdam na parang ang pag-ikot ng mundo ay panandaliang humihinto.

Ganito.
Ganito ang naramdaman ko
Noong tayo`y pinaglapit.
Walang anu-ano`y tibok ng puso ko`y bumilis
Parang ibon na gustong lumaya sa pagkakapiit.
Mahirap ipaliwanag.
Mahirap intindihin.
Kung bakit noong nakita kita
Sa’yo lang gustong ibaling ang paningin.

Sinubukan na ika`y lapitan.
Makapagpakilala at makuha ang iyong ngalan.
Baka ikaw na kasi ang aking hinhintay
Na magpapasaya sa aking buhay.
Nag-ipon ako ng lakas ng loob.
Nag-isip rin kung paano makukuha ang iyong atensyon.

At noong ako`y papalapit na sa iyo,
Ramdam mo ang binabalak ko.
Nagdadalwang-isip kung itutuloy ko pa
O lilihis ng daan para maka-iwas sa kahihiyan

Pero itinuloy ko.
Tinuloy ko.
…
Inabot ko ang aking kamay
Sabay bigkas ng aking pangalan.
Hindi mo naman ako binigo,
Inabot mo rin naman ang iyo.
At doon na nga nagsimula ang napakahabang pag-uusap.
Tawanan at halakhakan.
Usapang akala ko’y mauuwi sa mas malalim na pagtitinginan
Pero noong niyaya kita kung gusto mo bang ulit magkita,
Ang sagot mo “I’m a lesbian.”

Ito ang dahilan kung bakit minsa’y takot nang magtiwala.
Ang pagtatakda ng tadhana’y
Sadyang mapaglaro at madaya
Napag-uugnay ang dalawang taong sadyang magkaiba
Pero minsan ang tanging masasabi na lamang-
Sayang…