crescencia,
Hindi ko sinabi noong sinayaw mo ako
At tanging tugon ko na lamang ang hinihintay mo
Sa pinakaiingatan mong alaala
Mapanglaw kong pangarap
Salamat sa lahat.
Literary: Ang Hindi Masabi-sabi
Marami akong ginustong sabihin sa iyo
Pero hindi ko masabi
Hindi ko sinabi noong sinayaw mo ako
At tanging tugon ko na lamang ang hinihintay mo
Hindi ko sinabi noong mga pagkakataong
Ilang ulit tayong nagkalapit
At walang pakialam sa atin ang ibang tao.
Hindi ko sinabi
kahit sa sulat,
kahit sa chat
At hindi ko sasabihin
Kahit dito.
Hindi dahil ‘di ko gusto
Hindi dahil ‘di sigurado
Hindi ko lang alam
Kung bakit pa’t paano
Hindi ko aaminin
Hindi ipagtatapat
Dahil hindi na kailangan
Dahil wala naman nang patutunguhan
Kung pipilitin ko pang magpaliwanag
Sa mga parinig na hindi ipinagpaalam
Sa mga sulyap na pasikretong nagparamdam
At sapagkat walang sapat na paliwanag
Para sa puso mong pinaglaruan.
Sumulat lamang para tapusin
Ang kailanma’y hindi nasimulan nang maayos.
Sumulat lamang upang tuldukan
Ang magulo nating nakaraan.
Patawad
Salamat
Sa mga nasabi kong ‘di na mabubura Sa pinakaiingatan mong alaala
Sa mga sandaling hindi matanto ng puso ko
Ang tinitibok nito sapagkat kapiling ka
Sa mga pangakong hindi man sinambit
Ay batid nating dalawa.
Mapanglaw kong pangarap
Mapait kong gunita
Salamat sa lahat.
Patawad sa lahat.
Paalam na.
0 comments: