filipino,

Literary: Pangako

3/18/2016 08:59:00 PM Media Center 0 Comments

Ako’y iyong pinangakuan
Na hinding-hindi mo ako susukuan
Ikaw ‘tong paasa
At ako naman, umasa

Sabi mo, “Huwag na huwag mong kalilimutan”
Bawat isa’y magsusumpaan
Ating bibigkasin sa harap ng mga tao
Iaalay ang bawat letra’t salita ng buong puso

Ang iyong mga pangako
Lahat pala’y mapapako
‘Di na muling magtitiwala
Hinding-hindi na maniniwala

Ang mga salitang iyong binitawan...
Sabi mo’y hinding-hindi ako iiwan
Ngunit bakit?
Naiwan ng ganito kasakit?

Ngayo'y takot na akong umibig
Ayoko nang makarinig
Ng mga pangakong ako'y mamahalin
Dahil sa huli, ako'y iiwan rin