Literary: Walang Ibang Katulad

3/02/2017 08:00:00 PM Media Center 0 Comments

Sabi nila hindi raw ako maganda.
Lagi nga nilang sinasabi, “Pangit ka.”

Sinong nagsabing pangit ka?

Hindi ba nila pansin na ika’y may itsura?

Mataba rin daw ako, para na nga akong baboy

Teka, teka sinong nagsabing mataba ka?

Asar nga nila sa’kin, “tababoy”

Baboy ka nga ba?

Siguro sadyang big-boned ka lang talaga!

Sabi pa nga nila wala akong kuwenta
‘Eto naman ako, pinapaniwalaan lahat ng sinasabi nila.

Bakit ka ba naniniwala sa kanila?

Importante ka para sa iba, lalong-lalo na sa’king mga mata

Punong-puno ako ng mga tanong sa’king isipan
Bakit ba ako ganito? Bakit ba ako naiiba at ‘di tulad ng karamihan?

Punong-puno ng katanungan ang aking isipan

Kung bakit hindi mo makita ang iyong kagandahan

Kailan kaya nila ako mapapansin?
Kailan kaya nila makikita na ‘di ako dapat balewalain?

Hindi mo naman kailangan maging tulad nila

Dapat ipagmalaki mong iba ka sa kanila

Bakit ganito?

Wala akong tiwala sa sarili ko.

Wala kang tiwala sa sarili mo.

Wala tuloy nagmamahal sa akin.
Haay, kahit pati si crush malabong mapasa-akin

Aba, sinong nagsabing walang nagmamahal sa’yo?

Tumingin ka lang sa tabi mo, nandito naman ako.

Ang taong magmamahal nang walang katulad

Ang taong hinding-hindi ka ikukumpara sa iba

Sa mga taong ‘di naman makapapantay sa’yo

Sa mga taong hinuhusgahan ang pagkatao mo

Nandito lang ako,

Sana iyong maramdaman

‘Wag ka nang lumayo, dito ka sa tabi ko

Pagkat mamahalin kita magpakailanman.

Welcome