filipino,

Literary: Una't Huling Hiling

3/02/2017 08:08:00 PM Media Center 0 Comments

Sa lahat ng taong aking nakilala
Sa lahat ng emosyong aking nadama
Sa lahat ng salitang aking binitawan
Ikaw lamang ang siyang pinatutungkulan

Sa lahat ng oras na pinahalagahan
Sa lahat ng alaalang aking tinandaan
Sa lahat ng pangyayaring aking nakita
Ang sa'tin ang paborito kong eksena.

Sa lahat ng awiting aking kinanta
Sa lahat ng larawang ipininta
Sa lahat ng lugar na aking pinuntahan
Ngayon, ikaw lamang ang nais masilayan

Sa lahat ng taong aking nakilala
Sa lahat ng emosyong aking nadama
Sa lahat ng pangarap na ninais abutin
Ang makasama ka ang aking una't huling hiling.