filipino,

Literary: DABDA: Move On Na

12/02/2016 09:33:00 PM Media Center 0 Comments

Denial Stage
Anong nangyari?
‘Di ka naman ganyan dati
Totoo ba ang bawat salitang iyong sinambit?
‘Di ako naniniwala, masyado itong masakit
At alam kong hinding-hindi mo ito magagawa
Ang iwan ako, kahit ako pa ay magmakaawa.

Anger Stage
Bato, bato sa langit
Ang matamaan, magagalit?
Patama rito, patama roon
Parinig dito, parinig doon
Bakit ka ba nagagalit?
Ako na nga itong iniwan mo’t ipinagpalit
Puro ka sumbat
Ikaw naman ‘tong biglang bumitaw

Bargaining stage
Pwede ba ang isa pang pagkakataon?
Muli nating ibalik ang kahapon
Noong tayong dalawa’y masaya pa
Noong mahal pa natin ang isa’t isa.
Handa kong limutin ang masalimuot nating nakaraan.
Mahal pa rin kita, sana iyong pakatandaan.

Depression
Nahihilo, nalilito, natutuliro
‘Di na malaman ang gagawin
Bakit nga ba ganito?
Talagang masakit sa damdamin
May mga gabing ‘di ako makatulog
Dahil sa mga tanong na sa akin ay gumugulo

Acceptance
Matagal-tagal ko ring tiniis
‘Di na muling umiyak at ‘di na naiinis
Tuwing tayo’y nagkikita-kitang tatlo
Nagmumukha kang dehado at talo
Hahanap ka na nga lang ng ipapalit
Iyon pang ‘di makapapantay sa akin
Mukha man akong bitter ngunit hindi
Handa ko nang ipagmalaki
Hindi na kita mamahalin pang muli.