filipino,

Literary: Kampi Tayo?

12/02/2016 09:04:00 PM Media Center 0 Comments

Maiba taya
Lahat na lang ng laro
Ako ang palaging talo.
Kung hindi talo, ako ang laging taya
Tila ba palaging napagdidiskitahan
At pinaglalaruan.

Bente-Uno
Sa dami ng tao sa mundo
itinadhana talaga na magkita tayo.
Dati ay nag-iisa ako,
Ngunit ay dalawa na tayong siyang taya.
Ang lahat ay nagbabago.

Sakupan
May pinag-awayan, may ‘di pinagkasunduan,
Tila nalimutan ang isa’t isa.
Sa una’y parinigan na nauwi sa masakit na sagutan
Paano mo ako natiis ng ganito?
May pag-asa pa kayang sitwasyon ay magbago?

Patintero
Ngayon, nag-iiwasan tayo,
Nagkakailangan,
‘Di ka na makausap,
‘Di ka na makakuwentuhan,
Nagbago na ang lahat.

Tagu-taguan
Kay tagal na nating nagtatago sa isa’t-isa
Kay tagal nang kinikimkim mga nadarama
Hanggang sa ‘di ko na matiis.
Hinanap ka at sinabing
Patawad, ngayon mas maliwanag na ang lahat.


Agawan Base
Ang dating tampuhan ay nauwi sa muling pagkakaibigan
Dating magkaaway ngayo’y magkakampi
Salamat at ikaw ay aking nakilala
Habambuhay kitang kaibigan
Pagkat dahil sa iyo buhay ko ay nagkaroon ng sigla