filipino,
Literary: Burol
Handa nang sumugal muli’t
Bawiin kung ano man ang akin
Ipaglalaban ka hanggang sa huli
Pagsasama natin ay aking titiyakin
Susugal at susugal muli
Hindi ka na hahayaang mawala
Iisipin kung paano ka makakapiling muli
Ako’y handang gumawa ng himala
Ang aking mga kahilingan
Ay aking ibulong sa mga namatay
Kung ito lamang ang paraan
Para ito ay umabot sa kalangitan
Nung ako’y dumaan sa iyong lamay
Sana’y hindi na ako nagpagpag
Ang pagmamahal sayo’y aking maipapahayag
kung kasama ko ang iyong kaluluwa sa aking paglalakbay
Handa akong gawin ang lahat
Tatanggalin ko pati ang mga panaklob
Na gamit upang takpan ang lahat ng mga salamin
Kung ito lamang ang paraan para ika’y aking masilayan
Hinding-hindi ako matatakot
Lumingon sa iyong pinagburulan
Kung ang pagsunod sa 'yo ang natatanging paraan
Para makasama kita ng walang hanggan
0 comments: