alyssa avila,
Kapag nababasa mo ito, na-survive mo ang First Periodic Exam. Pagkatapos ng mga gabing pinagpuyatan, mga papel na kailangan ipasa at mga sagot na masusing pinag-isipan, panahon naman para mag-relax at bumawi sa sarili. Hayaang mawala ang stress sa iyong katawan. Narito ang apat na simpleng reward para sa iyong sarili pagkatapos ng iyong paghihirap sa exam.
MAGLARO SA ARCADE KASAMA ANG MGA KAIBIGAN
MANOOD NG MGA SERIES
MAKIPAGBOND SA PAMILYA
MAGBALIK SA TRAINING
MATULOG
Feature: Pampatanggal stress pagkatapos ng Perio
Kapag nababasa mo ito, na-survive mo ang First Periodic Exam. Pagkatapos ng mga gabing pinagpuyatan, mga papel na kailangan ipasa at mga sagot na masusing pinag-isipan, panahon naman para mag-relax at bumawi sa sarili. Hayaang mawala ang stress sa iyong katawan. Narito ang apat na simpleng reward para sa iyong sarili pagkatapos ng iyong paghihirap sa exam.
MAGLARO SA ARCADE KASAMA ANG MGA KAIBIGAN
Timezone UPTC. Photo credits: Deliciously Philippines
Isa sa maaring puntahan ay ang arcade. Marami ang maaari mong gawin sa loob nito. Kung mahilig ka kumanta, may videoke at singing booth kung saan pwede kang bumirit ng mga paborito mong kanta. Baka naman sports ang iyong hilig? Siguradong makakalimutan mo ang stress sa pagshoot ng bola, pakikipaglaro ng air hockey o pakikipagkarera sa iyong mga kaibigan. Kapag gusto mo namang maalala kung sino ang mga kasama mo may photobooth kung saan maaari kayong magpapicture.
MANOOD NG MGA SERIES
Netflix. Photo credit: Pinterest, Juan Barraza
Sino ba ang tatanggi sa panonood ng paboritong series? Ngayon, may pagkakataon ka nang humiga, magrelax at mag-umpisa o tapusin ang iyong napupusuang palabas.Maaari mong panoorin ang F.R.I.E.N.D.S, How I met your mother, B99, Stranger Things at marami pang iba. Pwedeng-pwede ka rin maghanda ng pagkain para may mangunguya habang nanonood.
MAKIPAGBOND SA PAMILYA
Happy Family. Photo Credit: Pinterest
Pagkatapos ng exam, maaari mong ikuwento sa iyong magulang kung ano ang nangyari sa inyong test. Nadalian ka ba o nahirapan? Mas gagaan ang pakiramdam mo pag karamay ang iyong pamilya. Pwede kayong lumabas para mamasyal, kumain o manood ng sine. Kung gusto n'yo namang sa bahay lamang, maaari kayong maglaro ng board games o sama-samang magluto ng pagkain.
MAGBALIK SA TRAINING
Athlete in action. Photo Credit: Pinterest, Silhouettes Vector Graphics
Para naman sa mga Student-Athletes, maaari ka nang bumalik sa pagpokus sa training. Maaaring ilang araw kang na-stress sa requirements sa klase ngunit maaari mo na ulit ngayong gawing stress-reliever ang iyong training. Maaaring nag-eenjoy ang ibang estudyante habang ikaw ay nagpapawis sa iyong training. Huwag mag-alala at isipin mo lang ang maaaring resulta ng iyong pagsisikap. Laging tandaan na train hard, work hard, play hard.
MATULOG
Sleep like a baby. Photo Credit: Spine Health
Sino ba naman ang hindi gugustuhing matulog? Hindi mawawala ang pagtulog sa nais gawin pagkatapos ng exams. Pagkatapos ng ilang araw na puyatan upang mag-aral ay kailangan bawiin ang oras nito at mabalik ang iyong enerhiya sa pag-aaral. Ang average na oras na kinakailangang matulog ang isang teenager ay 8-10 hours. Siguraduhin na laging may sapat na tulog.
Talaga ngang nakakastress ang periodic exams ngunit huwag kalimutang unahin lagi ang sarili. Kapag hindi na kaya ng iyong katawan, hindi masamang magpahinga. Bigyan mo ng pagkakataong marelax ang iyong sarili. Laging ibalanse ang iyong mga prayoridad. Magsipag sa pag-aaral nang hindi naisasaalang-alang ang iyong kalusugan. //ni Alyssa Avila
0 comments: