filipino,
Literary: Ang hindi sumusugal
Ang bawat tao
ay may kaniya kaniyang takot
Sila ay may sariling paraan
kung paano nila ito lalagpasan
Pinaniniwala ang sarili
Na sila ang pinakamasasayang tao
na gagawin ang lahat
makatakas lamang sa realidad
Sila ang pinakaduwag sa lahat ng takot
ang taong hindi marunong
sumugal o sumubok
dahil sa takot na magkamali’t matalo
Ito ang taong nagpalamon na sa takot
Hinihigop ang kanilang lakas
Pinahihina ang loob
Kaya’t sila ay tumatakbo na lamang
Palayo sa kanilang mga responsibilidad
Ang habambuhay na pagtakbo
Ay walang papupuntahan
Sapagkat walang taong nagtatagumpay
Ng hindi tumataya sa kanyang sariling sugal
Higit na mas nakakatakot
Na sa iyong pagtakbo
palayo sa mga kinatatakutan
Ay ang dahan dahang paglapit
Ng realidad na hindi mo na matatakasan
0 comments: