filipino,

Literary: Bulong

10/14/2019 08:30:00 PM Media Center 0 Comments

Oras na aking kinatatakutan --
Paglubog ng araw sa kanluran
Pilit na tinatakbuhan
Ang kadilimang aking iniiwasan

Pawis ko'y tumatagaktak
Kaba, sa puso ko'y sumasaksak
Dahil sa dilim na nakasisindak
Katahimika’y pilit nitong winawasak

Ang ingay sa dibdib ko'y nakabibingi
Nagwawala, hindi mapakali
Tibok ng puso’y tumitindi
Tila may sinasabi

Ilang araw na ang nakararaan
Mula nang mangyari ang hindi inaasahan
Kay lamig ng hanging humampas
Biglang nasulyapan mga aninong lumalabas
Sa dilim, ang bulong nila'y lumalakas

Naunang naramdaman ang hangin noon,
Nadagdagan ng dagundong
Kaluskos, sitsit, bulong
Ng kadilimang ako'y nilalamon

Sa madilim na pasilyo
Natanaw ko ang isang anino
Nasa malayo, ngayon ay nasa harap ko
Sinasambit, "Bakit ka tumatakbo?"