12345,

Spoof Literary: Super Hero Namin si Ate Gege

4/05/2019 09:37:00 PM Media Center 0 Comments

Si ate Gege ay isang magiting na kusinera,
‘Di lang ‘yon, siya rin ay aking tropa.
Kaya naman ako’y laging inililigtas niya.

Pagpasok ng canteen ay tatambad ang napakahabang pila,
Lunch nga naman.
Ang daming nagugutom, di ba?

Gutom na ako, pero sa unahan ng pila, ako’y malayo pa.
Ngunit nakatakdang magbago ang aking landas.
Sapagkat, dumating si Ate Gege ako’y ililigtas!

Nang maaninag ko ang aking bayani, nabuhayan ang aking diwa,
Nagkatinginan kami saka ako ay nginitian niya.
Pinagtaasan ko siya ng kilay, “ ‘Te Ge. Alam mo na.”
Sumenyas siya sa’kin nang palihim, “Halika! Ano ba gusto mong ulam?”

Ako ay natuwa, kalamnan ay ‘di na makararanas ng dusa!
Ako ay kumawala sa hanay ng mga estudyante.
Pasimple kong dinaanan ang mga taong nasa aking harapan.
Express lane na naman!