akrilik,

Literary: Salamin

4/06/2019 08:18:00 PM Media Center 0 Comments

Paggising, pagtingin
Sa kuwartong madilim
Pilit hinahanap ang dating akin
Ibang-iba na ang aking pagtingin
Sa taong kaharap sa salamin

Ako pa rin ba ang nakikita ko?
O sadyang malabo lang ang mga mata ko?
Kilala niyo pa ba ang taong ito?
Napakalaki ng pinagbago

Madungis ang damit
Sarili’y minamaliit
Mga iniisip ay nagliliparan
Diyos ay nalalabanan

Lugmok ang katawan
Sugatan ang kalooban
Mata’y namumula
Puso’y lumuluha

Sa mabuting paraan?
Sa masamang paraan?
Dapat ba akong maging masaya?
Sa taong di ko na kilala?

Ano ang dapat kong gawin?
Dapat ko bang panatilihin?
Ano ang dapat na solusyon?
Palipasin ang panahon?

Matutulog na lang ba?
Paggising maghahanap pa
Ng pangalan kong nawala na
O hayaan na lang kaya?
Umaasang pagbabago ay tama.