filipino,

Literary: Mga Tanong Na Hindi Ko Masagot

4/27/2019 08:30:00 PM Media Center 0 Comments

May mga tanong sa isip ko kung bakit ako ganito ngayon,
Mga tanong kung bakit sa paggising ko’y masakit ang aking puso,
Mga tanong na magbibigay rason kung bakit pa rin ako umiiyak,
Mga tanong kung bakit bigla ka na lang nawala sa piling ko.

Ilang taon ang lumipas bago ko nararamdaman na unti-unti na akong nakalalaya.
Nakalalaya ako mula sa malala kong pagluksa.
Ilang taon bago ko mapigilan ang mga maalat na luha,
Ngunit ang sakit pa rin ay malala.

Bakit ka nga ba nawala?
Bakit mo ako iniwan?
Bakit hindi mo ako hinintay?
Bakit, Mama?

Ilang minuto na lang bago ako makarating sa’yong kwarto,
Ngunit bakit hindi mo ako hinintay?
Hayaan mo,
Malaya ka nang namamahinga.
Mapayapa.
Tahimik.

Ito na ang simula para tanggalin ang sakit na nararamdaman ko,
Kahit anong mangyari’y hindi ka mawawala sa isip ko.
Paalam, Mama.
Ikaw ang forever love ko.