filipino,

Literary (Submission): Zonrox

4/27/2019 09:22:00 PM Media Center 0 Comments

Araw-araw ginagamit ako
Kamisetang laspag, gulagulanit
Gamit na gamit, ayaw mo na
Masisira lang ako

Ang tela ko’y matibay
Hindi kailanman nasisira
Sinungaling ang nagbenta sa’yo
Nandito pa rin ako

Bawat patak ng pawis
Dugong lumalabas
Tulo ng luhang dumaloy
Nadudumihan, pero kaya pa

Kailan mo ako lalabhan?
Tulo na naman ang luha dahil sa dumi
Ayaw mo na akong makita
Gagamitin mo pa rin

Kay puti ko noon, kay puti ko ngayon
Hanggang kailan ang kaputian kong ito?