filipino,

Literary (Submission): Tayo? Kayo.

2/17/2017 09:06:00 PM Media Center 0 Comments

Nagulat ako sa iyong sinabi.
Kahit ito’y inaasahan ko na.
Nagtanong ka.
“Oo” ang sabi niya.

Sino nga bang ‘di kikiligin?
Ang sarap pagmasdan,
Nag-uumapaw na kaligayahan
Na bakas sa iyong mukha.

Ngunit ano itong aking nadarama?
Tila ba parang di ako tunay na masaya.
Selos nga ba?
Ako na lang ba sana?

Makasariling katanungan.
Subalit ito’y di ko maiwasan.
Oo, nalulungkot ako.
Dahil may pagtingin ako sa’yo.

Ano nga bang dapat maramdaman?
Lungkot o ligaya?
Maligaya para sa kanya?
O lungkot kasi masakit na?

Mabigat sa’king puso.
Nalilito maging isipan ko.
Aasa pa ba ako?
O, dapat tanggapin ko na ang lahat ng ito?

Martir na kung martir.
Susuportahan kita.
Kung saan ka maligaya.
Pagtingin ko’y habambuhay itatago na.