chatty,

Literary (Submission): Repazoned

2/17/2017 09:18:00 PM Media Center 0 Comments

Ang mga hakbang ay patungo sa iyo
Nanginginig na rin ang mga tuhod ko
Sa nanlalamig kong kamay, Tsokolate’t bulaklak
Aaminin ko sa’yo ito ang nabuo kong balak

Mula sa likod, kinalabit kita
Humarap ka't tinanong kung bakit ako namumula
Tanging nasabi ko lang ay "Mahal kita"
Ngumiti ka't sinagot ako ng "Easyhan mo lang, repa."

Di nagtagal, ika'y aking niligawan
"Bakit naman kita sasagutin?" Tanong mo sa’kin
"Dahil nangangako akong ika'y mamahalin"
Lumapit ka sa akin at bigla akong hinalikan

"Gising! Gising!" Sigaw ni Inay
Minulat ko ang aking mata at tumayo
Sa kalendaryo’y agad akong nagtungo
Ika-labinlima na ng Pebrero!

Lumingon ako sa tukador kung saan nakalagay
Tsokolate't bulaklak na hindi ko pa naibibigay
Pumikit ako't humiling na sana hindi ako nagising
Dahil ang totoo’y hanggang ngayon di ko pa naaamin.