filipino,

Literary (Submission): Ikaw at Ako

2/17/2017 08:43:00 PM Media Center 0 Comments

Mayroong ikaw
Mayroong ako
Nariyan ka at nandito ako
Ngunit walang tayo

Maghihintay ako
Ipinangako kong kakayanin ko
Ngunit pinaasa mo lang ako
Dahil sa mga salitang sinambit mo

“Patawad pero babalik ako
Babalikan kita. Magiging tayo.
Araw-araw tatawagan kita.
Pangako. Hintayin mo ako.”

‘Yan ang mga salitang binitiwan mo
Na pinanghawakan ko
Ngayon ako’y umaasa pa rin
Sana’y di ito pagpapakamartir

Ngunit ang iyong mga pangako
Unti-unti nang napapako
At sa paglipas ng mga araw na wala ka
Unti-unti na rin akong nawawalan ng pag-asa

Naghihintay pa rin ako Babs…
Hanggang sa muli