dimples,

Literary: Muling Sagipin

2/17/2017 08:05:00 PM Media Center 0 Comments

Hindi mo ako mahal
Alam ko iyon simula pa lang

Sa tuwing hinahawakan mo ang aking mga kamay
Na para bang isang malamig na bakal lang ang iyong tangan-tangan

Sa tuwing yayakapin mo ako
Hindi pa nagdidikit ang ating mga katawa’y nakabitiw ka na

Sa tuwing mamumutawi sa iyo ang ”mahal kita”
Para bang may tinatagong kahulugang “mahal ko pa rin siya”

Sa paulit-ulit na pag-iwan mo sa akin
Hindi ba dapat ako’y pagod na?

Pero bakit ganoon?

Hanggang ngayo’y nalulunod pa rin ako
Mula sa pangungulila sa iyo

Alam kong mahirap ngunit
Maaari bang kahit sa huling pagkakatao’y
Sagipin mong muli ako?