broken melody,

Literary (Submission): Tambolera

10/14/2016 08:56:00 PM Media Center 0 Comments

Sa bawat pagpalo,
At pagsigaw na ginagawa ko-
Ako’y humihiyaw
Ikaw ang isinisigaw

Sa bawat pagpalo,
Ako’y napapagod
Masulyapan lang ang ‘yong ngiti
Babalik ang sigla sa aking mga labi

Sa bawat pagpalo,
Ako’y napapagod
Ngunit mahawakan lang kita
Tutugtog na akong may gana

Sa bawat pagpalo,
Ako’y nabibingi
Ngunit ‘pag nayakap ka,
Pintig ng puso’y mas malakas pa

At sa bawat pagpalo,
Doon ko itinatago
Ang nararamdaman para sa’yo,
Natatakot na ikaw ay lumayo.

Kaya heto ako pumapalo
Malapit man o malayo
Kahit man lang kasabay ng mga ingay
Masabi ko ang isinisigaw ng puso