emrys,

Literary (Submission): Masokista

10/14/2016 09:11:00 PM Media Center 0 Comments

Ako ang taong walang karapatan
Walang karapatang humiling
Walang karapatang magmahal
At walang karapatang masaktan

Humiling man akong maging masaya
May malulungkot namang iba
Hindi ako pwedeng lumigaya
Hangga’t lahat sila ay may problema

Humiling man ako ng kaunting oras mo
May iba namang mawawalan
Kahit pagbigyan mo pa ako
Ako pa rin ang matatalo

Humiling man sa ‘yo na ako’y pansinin
Wala namang magbabago sa pagtingin
Dapat ko na lang tanggapin
Na hindi kailanman mamahalin

Humiling man ako na makalimot
Ako lamang din ang malulungkot
Sayang lang ang pinagsamahan
Kung ibabaon lang din sa limot

Ano pa nga ba’ng magagawa ko?
Wala ka namang kasalanan dito
Ako lang naman itong nagpapakaloko
Sinasaktan ko lang ang sarili ko

Kaya wala na akong pake
Kung hihiling man ako o hindi
Dahil masasaktan lang din naman sa huli
Pero kahit ganito, hindi ako nagsisisi

Masaya na akong masaktan
Huwag ka lang mahirapan
At masaya na akong masaktan
Basta’t masaya ka lamang