filipino,

Literary: Umaga

5/04/2019 08:44:00 PM Media Center 0 Comments

Noon, sa bawat pagtama ng sikat ng araw
Naaalala ko ang salitang ikaw
Ikaw na nagbibigay ng liwanag
Sa bawat umaga ko

Ngayon, sa bawat pagtama ng sikat ng araw
Hinihiling kong sana hindi na lang
Sana hindi na lang ito sumikat
Kasi ayaw ko na

Ayaw ko na maalala kung paano ako nagigising nang wala ka na
Ayaw ko na maalala kung paano tayo nag-usap
Simula madaling araw hanggang sa sumilay ang liwanag
Ayaw ko na maalala kung paano mo ako iniwan

Noong umaga na sinabi mo sa akin na ayaw mo na
Tila ba nawala ang sikat ng araw
Pero simula pa lang ng umaga
Mahaba pa ang araw

At sa tingin ko, ayos lang
Ayos lang naman yata ako
Sana, siguro?
Mali, magiging ayos lang ako

Dahil kinabukasan may panibago na namang umaga
Panibagong sikat ng araw na gigising sa akin
Panibagong liwanag—mas maliwanag pa sa dati
Kaya sigurado na ako, magiging ayos din ako