dreaMCometrue,
Literary (Submission): Paalam
Hinawakan mo ang kamay ko
Habang nakasandal ako sa balikat mo
Ang lahat ay perpekto
Alam kong walang mali sa nararamdaman ko
Hanggang sa nagbago ang lahat
Ang dating matamis na panaginip ay naging masalimuot
Ang mga mata ko ay hindi maimulat
Hindi na yata matatakasan itong aking bangungot
Dahan-dahan kang bumitaw sa aking kamay
Iniangat ang ulo ko’t inilayo sa iyong balikat
Tinanggihan mo ang pag-ibig ko
Basta ka na lamang tumayo’t iniwan ako
Nakaupo pa rin ako habang pinanunuod ka
Lumalakad kang papalayo’t
Nadudurog man ang puso
Hindi ako tumayo upang pigilin ka
Nananaginip ako
Nakakulong ako sa bangungot ng katotohanan
Ayaw kong imulat itong mga aking mga mata
Pagkat di ko matanggap na wala kang pagpapahalaga
Umasa akong panaginip lamang ang lahat
Baka sa pagtunog ng kampana’y
Mga mata ko’y mamulat
Sa sakit na naramdaman diwa ko’y magising sa katotohanan.
0 comments: