filipino,
Literary: Ako
Unti-unting nakalimot,
Ikaw na lumikha sa akin.
Tila balewala lahat ng ating mga sandali
Sa paglipas ng mga taon,
Sa pagdaan ng panahon.
Ako’y iyong tuluyang
Nilisan at tinalikuran.
Bakit?
Halina’t iyong balikan.
Hindi maaaring tuluyang limutin,
Hindi dapat tuluyang limutin,
Nag-aalab na damdamin.
Ating mga nag-alab na damdamin,
Mga noo’y nag-aalab na damdamin,
Sikapin mo man lang na alalahanin,
Upang muling handugan,
Kahit kaunting damdamin man lamang.
Bakit?
Subukan mong isipin nang malalim.
Hukayin sa pagkakabaon,
Ibalik sa iyong panahon,
Buhayin mong muli,
Kahit sandali.
Ipikit ang mata,
Muling sulyapan,
Ang ating mga nakaraan.
Ako na iyong
Nilimot na alaala.
0 comments: