barcode,

Literary: Panaginip

9/24/2015 08:33:00 PM Media Center 0 Comments

Isipan (png.)
Punong-puno ng alaala
Ng pagmamahalan nating dalawa,
Ngunit sa paglipas ng oras ay tila nag-iba,
Pintig ng puso sa isa’t isa.

Imahinasyon (png.)
Hawak kamay tayong nangarap
Ibinigay buo nating puso sa isa’t isa.
Binigyan rin ng kulay,
Ang madilim at tahimik nating buhay.

Ilusyon (png.)
Pag-iibigan noon na pinuno ng musika,
Nabalot ng kadilima’t ingay.
Unti-unti kong napagtanto,
Na pag-ibig mo pala ay hindi totoo.

Bangungot (png.)
Simula noon lahat ay nagbago,
Ang masayang relasyo’y unti-unting naglaho.
Ang pagmamahalan noon
Ngayo’y nauwi sa kasawian.

Panaginip (png.)
Ating pag-iibiga’y tila isang imahinasyon,
Isa lamang mapanlinlang na ilusyon.
Napuno ng dilim at kalungkutan itong pagkatao,
Lahat ng ito’y bangungot sa aking isipan.

Kahit ganito ang kinahantungan,
Ng inakalang perpektong pag-iibigan,
Sa aking paggising akin pa ring binabalik-balikan,
Ang tila panaginip nating pagmamahalan.