dreaMCometrue,
Literary: Bangungot?
Sa pagbagsak ng aking mga mata,
Bangungot ang bumungad sa akin.
Napakadilim, nakakikilabot,
Nakabibinging katahimikan ang bumabalot.
Nasaan na nga ba ako?
Ito na ba ang kinatatakutan ko?
Isang lugar na walang kahit isang tao,
At kay tamlay ng buong mundo.
Pilit akong gumigising,
Ngunit biglang dumating
Isang binibini sa gitna ng kawalan,
Siyang nagbigay ng saya at kulay.
Sa iyong pagdating napagtanto kong ikaw na nga,
Ang sa aki’y siyang nakatadhana.
Isang binibining kailanma’y di magsasawa,
Na ako’y samahan sa hirap man at ginhawa.
Di ko na pinakawalan,
Pagkakatao’y aking agad na sinunggaban,
Pagkat nagawa mong mapagbago ang ihip,
At ang isang bangungot ay gawing napakagandang panaginip.
0 comments: