filipino,
Sa bawat araw na ika’y kasama
Para bang isang panaginip
Ngunit ang lahat ay may hangganan
Nagtapos ang lahat sa isang kaway
Literary: Simula ng Wakas
Nagsimula sa isang kaway
Isang kaway na bumago sa’king buhay
Sinundan ng isang ngiti
Ngiting di ako pinatutulog sa gabi
Kinabukasan, muling nagkita
Nagkausap at nagpakilala
Sinundan ng text kinagabihan
Doon nagsimula, ating pagkakaibigan
Sa bawat araw na ika’y kasama
Saya sa’king mukha ay di maipinta
Usapang umaabot nang magdamagan
Tila kulang ang 24 oras sa ating kuwentuhan
Para bang isang panaginip
Ang aking nakikita’t nadirinig
Para bang isang ilusyon
Ang mayroon tayo ngayon
Ngunit ang lahat ay may hangganan
Lahat ng masasaya’y may katapusan
Mga alalang biglang kinalimutan
Mula nang ako’y iyong iniwan
Nagtapos ang lahat sa isang kaway
Sinundan ng isang mukhang matamlay
Huli nating pag-uusap ay tungkol sa pasasalamat
At doon na nagwakas ang lahat
0 comments: