dreaMCometrue,

Literary (Submission): Ilusyon

9/24/2015 09:24:00 PM Media Center 0 Comments

Ikaw
Ikaw ang tanging nagustuhan
Sa dinami-dami ng kaibigan
Kahit halos lahat ng babae ikaw ang natitipuhan
Kahit na sa iyo, damdami’y palaging nasasaktan

Hindi ka katulad nila
Ikaw ang palaging nakauunawa
Sa bawat problema, ikaw ang siyang nagpapasya
Ikaw na nga ang ideyal para sa iba
Hindi kataka-taka kung ang iba’y may lihim na pagtingin na

Ako
Naririto’t nagnanais na iyong gustuhin
Pero di inaasahan ang araw na hindi akalain
Ikaw na mismo ang umamin
Noon pala’y ako’y gusto mo rin.

Naging malapit tayo sa isa’t isa
Lalo pang nagkakilala
Sa bawat seryosong kuwentuhan
O mga biruan at tawanan
Mga nararamdaman nati’y mad lumalim pa

Mga di namamalayang paglipas ng oras
Sa tuwing ikaw ang kausap
Walang araw na hindi ikaw ang kasama
Mayroon pa bang mas sasaya sa pakiramdam na iyon?

Kay sarap isipin ng mga ganitong bagay
Mga imahinasyong nagbibigay ng panandaliang ligaya
Kahit na alam kong malayo sa
Kay hirap tanggapin na ang lahat ng ito’y isa lamang ilusyon.