filipino,

Literary (Submission): Salamin

2/23/2019 08:21:00 PM Media Center 0 Comments

"Salamin, salamin, ipakita sa'kin
Malalabong tanawing dapat tuklasin,"

Mga salitang sa aki’y iyong sambitin.
Papansinin lang kung kailan naisin.

Malayo sa tingin, sa iyo'y palapitin.
Ang tangi mong hiling ay aking linawin.

Ibinigay ko ang 'yong nais ngayundin.
Natagpuan mo na ang nais abutin.

Subalit di na ako binigyang-pansin
'Pagkat nakita mo na ang susuyuin.

Kahit lagpasan mo man ako ng tingin,
Ako pa rin ang 'yong unang tatanawin.

Paggising mo, ako ang unang isipin,
Sa paghimbing ako ang huling batiin.

Iningat-ingatan para lang gamitin.
Sa'yong tingin isang hamak na salamin.