4ever,

Literary: Sa Ngalan ng Pag-Ibig

2/25/2019 08:08:00 PM Media Center 0 Comments

“Hanggang kailan…”
Tuwing umaga ako’y natutuwa
Hinihintay ang iyong pagdating
Sabik na makita ang iyong mukha
Ang mukhang hahanapin ko t’wing uwian

“Nasa’n ka man…”
Pagkatapos ng klase ay tatakbo palabas
Hahanapin ka sa bawat stone table sa quad
Hahawakan ang iyong mga kamay
Sasamahan ka hanggang sa pag-uwi

“Isang umagang ‘di ka nagbalik”
Sumunod na araw ikaw ay lumiban
Ako’y nag-alala at hindi mapakali
Mga text at tawag ay ‘di sinasagot
Ano bang nangyari sa’yo aking sinta?

“Gumising ka at nang makita mo…”
Nakatayo ako sa iyong tabi
Pinagmamasdan ang iyong mukha
Nagdadasal na sana gumising ka
At hindi ito ang ating huli

“Huling kapiling ka’y sa aking panaginip”
Pagkalipas ng limang taon
Naaalala ko pa rin
Ang mga sandaling kasama pa kita
Na sa panaginip ko na lang mababalikan