beyondMC,

Literary (Submission): Tadhana

9/23/2016 09:57:00 PM Media Center 0 Comments

Tadhana nga ba kung ito’y tawagin:
Sa walang hanggang kalawakan
Dalawang tao’y pagtatagpuin
At mabubuo pag-iibigan natin’

Baligtarin man ang mundo
Nakaplano na ang “tayo”
Nakatali ang dalawang puso--
Sa tamang oras, magkakatagpo.

Ipinanganak pa lamang tayo,
Ikaw na at ako
Magkaiba man ating mundo.
Tayo na hanggang sa dulo

Nakasulat na sa ating kapalaran
Ang pwedeng mangyari kinabukasan
Mga ‘di maipaliwanag na dahilan
Kung bakit tayo ang piniling magka-ibigan.

Mga aksidenteng pilit tayong pagtatagpuin
Marami man ang humahadlang sa‘tin
Maraming di planadong pagkakataon
Malay mo, bukas na ang takdang panahon

Maghihintay ako,
Hanggang sa dumating ka sa buhay ko
Dalawang pusong magkalayo
Pag-iisahin ng pagsuyo.