beyondMC,
Literary: Pwersa
Paikot-ikot.
Pasikot-sikot.
Ikaw na nga ba?
Ang saki’y itinadhana?
Sabi nila,
Magtiwala ka,
Sa pwersa ng kalawakan,
Pagkat may malakas daw itong kapangyarihan.
Na paglapitin ang dalawa,
Sa di inaasahang pagkikita,
Kailan? Saan? Paano?
Walang nakakasigurado.
Basta darating at darating siya,
At sa kalawaka’y magpapasalamat ka,
Pagkat dumating siya sa buhay mo,
Sa panahong akala mo lahat ay di sang-ayon sa’yo.
At sa pagdating niya,
Siguraduhing handa ka,
Wag iasa ang lahat sa tadhana at kalawakan,
Dahil kailangang ikaw mismo ang gumawa ng paraan.
Upang ang inyong mga mundo,
Ay sabay na umikot sa mga salitang,
“Ikaw at ako, oo tama tayo!”
0 comments: