dawson,

Literary (Submission): Paalam

2/11/2016 08:06:00 PM Media Center 0 Comments

Paalam.
Ito na ang aking huling salita
Habang tayo’y nasa gitna ng ulan,
Habang tayo’y nababasa.

Paalam sa ating mga munting alaala.
Paalam sa mga pagkakataong nagbigay sa’tin ng saya.
Paalam sa mga mata mong aking pinaluha.
Paalam sa puso mong aking nakuha.

Patawad,
Sa lahat ng pagkakamali ko.
Ito ang sigaw ko habang bumabagyo.
Ito ang sigaw ko habang sa isa’t isa’y papalayo.

Patawad sa pagpapaasa sa’yo.
Patawad kung ikaw ay pinaiyak ko.
Patawad kung di ko masagot ang mga katanungan mo.
Patawad kung ngayon ika’y kailangang iwan.

Pag-ibig
Ang tamis na ating pinakaaasam
Ay ang pumapatay sa atin sa pait
Habang nalulunod tayo sa ulan

Pag-ibig na wagas, na walang katapusan
Pag-ibig na buhay at walang kamatayan
Pag-ibig na hinati sa ating dalawa
Pag-ibig, patawad, ako'y magpapaalam na.