filipino,
Nagsisimula raw ang lahat sa asaran,
Literary (Submission): Cloud 9
Nagsisimula raw ang lahat sa asaran,
Sa pabirong panunukso ng mga kaibigan,
Ngunit bakit hindi ko namalayan,
Unti-unti nang nagiging totohanan.
Sa tuwing ika’y aking nakikita,
Hindi ko maiwasang mapangiti,
Sa aking mundong itim at puti,
Ikaw ang siyang bahaghari.
Sa tuwing boses mo’y maririnig,
Puso’y bumibilis ang pintig.
Hindi ko mapigilang sumabay sa kanta,
At sa bawat tipa ng iyong gitara.
Sa tuwing tayo’y magkasama,
Paligid ay nag-iiba.
Nalilimutan ko ang nakaraan.
Gumagaan ang aking pakiramdam.
Minsan naitanong ko sa sarili ko,
Bakit ako? Bakit sa’yo?
Oo nga’t palagi tayong tinutukso,
Pero… iba kasi ang gusto mo.
Sadyang mapaglaro ang tadhana,
Kaya ngayon hanggang dito na lang muna,
Pagkat kahit naman iba ang laman ng puso mo,
Masaya pa rin akong magkaibigan tayo.
0 comments: